Urad Estonii admienić dla hramadzian Biełarusi i Ukrainy vyzvaleńnie ad nieabchodnaści płacić pošlinu pry afarmleńni doŭhaterminovych estonskich viz (D-viza). Ciapier jany znoŭ pavinny buduć płacić za hetuju pasłuhu, piša Postimees.
Ministerstva zamiežnych spraŭ siońnia adpraviła na ŭzhadnieńnie dva zakonaprajekty, jakimi Estonija admianiaje dziejučaje dla hramadzian Ukrainy i Biełarusi vyzvaleńnie ad vypłaty dziaržpošliny pry afarmleńni doŭhaterminovaj estonskaj vizy. Hramadzianie Ukrainy nie pavinny byli płacić pošlinu pry afarmleńni doŭhaterminovaj estonskaj vizy z 2010 hoda, a hramadzianie Biełarusi — z 2011 hoda.
Jak patłumačyli ŭ pasolstvie Estonii, heta tyčycca afarmleńnia doŭhaterminovych viz (D-viz), h.zn. nacyjanalnych.
Ministr zamiežnych spraŭ Urmas Rejnsału ličyć, što hetaje rašeńnie istotna nie paŭpłyvaje na kolkaść chadajnictvaŭ na vizy. «Značnaje pamianšeńnie chadajnictvaŭ ja nie prahnazuju. Dla niekatorych ludziej, viadoma, uviadzieńnie płaty moža stać arhumientam, kab admovicca ad padačy chadajnictva», — adznačyŭ ministr.
Hiendyrektar adździeła pa suviaziach z hramadskaściu Ministerstva zamiežnych spraŭ Inha Boŭden skazała Postimees, što Ukraina i Biełaruś — adzinyja krainy, dla hramadzian jakich dziejničaje vyzvaleńnie ad pošliny pry afarmleńni doŭhaterminovaj vizy. Pry stracie hetaj pryvilei hramadzianie Ukrainy i Biełarusi pačnie płacić za razhlad chadajnictva na vizu pa 80 jeŭra.
U 2018 hodu ad hramadzian Biełarusi było pryniata 629 chadajnictvaŭ, ź ich 619 u Minsku. Ad hramadzian Ukrainy ŭ dziesiać razoŭ bolš.
Ministerstva zamiežnych spraŭ prahnazuje pry dapamozie ŭviadzieńnia pošlin u nastupnym hodzie papoŭnić dziaržbiudžet za košt ukrainskich hramadzian na 750 000 jeŭra, a za košt biełaruskich hramadzian - na 50 000 jeŭra.
