Patryjarch Maskoŭski i ŭsioj Rusi Kirył zaprošany na śviatkavańnie 550-hodździa zdabyćcia cudatvornaj Žyrovickaj ikony Božaj Maci i 500-hodździa z dnia zasnavańnia Žyrovickaha mužčynskaha manastyra, jakoje adbudziecca ŭ mai 2020 hoda. Pra heta na pasiadžeńni va ŭradzie respublikanskaha arhanizacyjnaha kamiteta pa padrychtoŭcy i praviadzieńni ŭračystaściaŭ paviedamiŭ upaŭnavažany pa spravach relihij i nacyjanalnaściaŭ Leanid Hulaka, piša BiełTA.
Taksama ŭ płanie mierapryjemstvaŭ značycca praviadzieńnie ŭ hety pieryjad pasiadžeńnia Śviatoha Sinoda Ruskaj pravasłaŭnaj carkvy, čakajecca ŭdzieł carkoŭnych ijerarchaŭ RPC ź blizkaha i dalokaha zamiežža.
«Z ulikam značnaści ŭračystaściaŭ miarkujecca, što kompleks mierapryjemstvaŭ pryciahnie da ŭdziełu šyrokaje koła hramadskaści, pradstaŭnikoŭ śfiery kultury, zamiežnych haściej, duchavienstva, viernikaŭ, — adznačyŭ Leanid Hulaka. — Napiaredadni śviatkavańnia jubilejnych dat, z sakavika pa maj u abłasnych centrach, Minsku i inšych haradach projduć navukova-praktyčnyja kanfierencyi, vystavy, kinafesty, kruhłyja stały, litaraturnyja čytańni, fiestyvali, buduć arhanizavany ekskursii dla turystaŭ».
