Brescki abłasny sud pačnie siońnia razhlad spravy mužčyny i žančyny, jakija abvinavačvajucca ŭ žorstkim zabojstvie vaśmimiesiačnaj dziaŭčynki, paviedamili BiełTA ŭ pres-słužbie suda.
Trahiedyja adbyłasia ŭ Łunincy ŭviečary 27 kastryčnika 2018 hoda. Abvinavačvańnie ŭ ździajśnieńni złačynstva vystaŭlena 26-hadovaj maci dziciaci i jaje 48-hadovamu znajomamu. Dziejańni kožnaha ź ich kvalifikavanyja jak zabojstva zaviedama małaletniaha, učynienaje z asablivaj žorstkaściu, z chulihanskich pamknieńniaŭ, hrupaj asobaŭ.
U toj dzień mužčyna i žančyna razam raśpivali śpirtnyja napoi. U momant zatrymańnia ŭ haspadyni kvatery było 1,6 pramile ałkaholu, u hościa - 1,2. Fihuranty biespadstaŭna nanieśli dziaŭčyncy nie mienš 46 traŭmatyčnych uździejańniaŭ.
Što viadoma pra trahiedyju ŭ Łunincy, dzie pry maci abiezhałovili 8-miesiačnuju dziaŭčynku
U momant zdareńnia baćka dziciaci razam dvuma małymi synami adsutničaŭ doma. Mienavita jon znajšoŭ cieła dački z prykmietami hvałtoŭnaj śmierci i paviedamiŭ pra heta ŭ milicyju. Viadoma, što siamja była na ŭliku jak sacyjalna niebiaśpiečnaja.
