Incydent adbyŭsia ŭ aŭtorak, paviedamlaje abłasnaja milicyja.
U milicyju źviarnułasia 81-hadovaja žančyna. Jana skazała, što na vulicy nieviadomy čałaviek sarvaŭ ŭ jaje ź plača žanočuju sumačku i ŭciok.
Apieratyŭniki, što prybyli na miesca zdareńnia, zaśpieli pažyłuju žančynu na łaŭcy. Piensijanierka raspaviała, što złačyniec padsieŭ da jaje na łavačku. A potym chutka adšpiliŭ ramieńčyk sumački, zabraŭ u jaje i pabieh preč.
Paciarpiełaja — invalid pa zroku, i dobra razhledzieć złamyśnika jana nie zmahła. Adnak złačynca z sumačkaj trapiŭ u kadr kamiery videanazirańnia. I choć razhledzieć jaho prykmiety było i na videa nie samaj prostaj zadačaj, sioje-toje syščyki vydzielili dla siabie.
Nieŭzabavie małady čałaviek byŭ znojdzieny supracoŭnikami milicyi na pryvakzalnaj płoščy, na jaho plačy visieła vykradzienaja sumka.
Rabaŭnikom babulek akazaŭsia 24-hadovy žychar Brahinskaha rajona. U mužčyny ŭžo jość niekalki sudzimaściaŭ za kradziažy i chulihanstva.