Staršynia maryjanietačnaj Biełaruskaj patryjatyčnaj partyi, «kazak» Mikałaj Ułachovič — pakul što adziny deputat Pałaty pradstaŭnikoŭ, jaki vyrašyŭ pieraabiracca, ale nie staŭ źbirać podpisy vybarcaŭ.
Ułachovič bałatujecca ŭ deputaty pa toj ža Sienickaj akruzie, što i raniej.
U 2016 hodzie jon sabraŭ podpisy vybarcaŭ, byŭ padtrymany niejkim pracoŭnym kalektyvam i padmacavaŭ vyłučeńnie nakiravańniem ad partyi. A ciapier prosta vyłučyŭsia ad svajoj partyi.
Ciapierašnija kankurenty Ułachoviča — niekalki čałaviek sa śfiery adukacyi, niekalki pradprymalnikaŭ. Podpisy vybarcaŭ pakul što sabraŭ tolki staršynia tavarystva ŭłaśnikaŭ Vadzim Falevič.
Ułachovič byŭ kandydatam u prezidenty — 2015 i zaniaŭ apošniaje miesca. Za jaho nibyta prahałasavała navat mienš čałaviek, čym za jaho papiarednie padpisalisia.
