Mieniedžar parolaŭ Google budzie papiaredžvać karystalnikaŭ ab tym, što paroli, jakija jany vyrašyli zachavać, mohuć być skampramietavanyja, naprykład, u vyniku ŭciečki źviestak.
Novaja funkcyja Password Checkup źjaviłasia ŭ mieniedžary parolaŭ 2 kastryčnika. Kali parol karystalnika nienadziejny, Password Checkup paviedamlaje pra heta i prapanuje jaho źmianić. Taksama karystalnikaŭ papiaredziać ab tym, što jany vykarystoŭvajuć adzin i toj ža parol dla niekalkich akaŭntaŭ, i pra toje, što parol zanadta prosty.
Zaraz pravieryć nadziejnaść parolaŭ možna na sajcie passwords.google.com abo ŭ śpiecyjalnym dadatku dla Android. Raniej hetyja funkcyi byli dastupnyja tolki ŭ pašyreńni dla braŭzera.
Źviestki praviarajuć, paraŭnoŭvajučy ich z bazaj «drennych parolaŭ», jakuju Google źbirajecca pastajanna papaŭniać, u tym liku šlacham manitorynhu darkveba, paviedamlaje ZDNet.
