Ułady japonskaj prefiektury Chioha dazvolili skidy pramysłovaj vady z pavyšanaj kolkaściu azotu i fosfaru, piša vydańnie The Mainichi. Pryčynaj stała zanadta sterylnaja vada, u jakoj nie mohuć žyć ryby.
U rehijonie dziejničaje surjoznaje abmiežavańnie na pramysłovyja skidy. U druhoj pałovie XX stahodździa japonskija pradpryjemstvy ažyćciaŭlali skid z padvyšanaj kolkaściu azotu i fosfaru. Heta vyklikała pavieličeńnie kolkaści płanktonu.
Paśla hetaha ŭ rehijonie ŭviali patrabavańni, zhodna ź jakimi dazvalalisia skidy ściokavych vodaŭ z kolkaściu azotu nie bolš za 0,3 milihrama na litr. Pakazčyk azotu staŭ nastolki nizkim, što heta vyklikała pamianšeńnie kolkaści płanktonu ŭ vadzie. U svaju čarhu heta pryviało da padzieńnia kolkaści ryb i źnižeńnia ŭłovu.
Urad płanuje źviarnucca da miascovych municypalitetaŭ i kampanij z prośbaj ab supracoŭnictvie pa źmiakčeńni standartaŭ jakaści bytavoj i pramysłovaj vady.
