II Forum rehijonaŭ Biełarusi i Ukrainy prachodzić 3-4 kastryčnika va ŭkrainskim Žytomiry. Mierapryjemstva pravodzicca ŭ roznych farmatach. Jak čakajecca, udzieł u im voźmuć pradstaŭniki ŭradavych i dziełavych kołaŭ dźviuch krain, kiraŭnictva miascovych orhanaŭ ułady, a taksama kiraŭniki dziaržaŭ, paviedamlaje BIEŁTA.
Z samaj ranicy ŭ centry Žytomira pracuje vystava bujnahabarytnaj techniki, dzie pradstaŭlena pradukcyja biełaruskich i ŭkrainskich pradpryjemstvaŭ — usiaho 75 ekspanataŭ, uklučajučy navinki. Biełaruski bok pradstaŭleny 15 vytvorcami, ukrainski — dziesiaćciu. Pa susiedstvie arhanizavany kirmaš pradukcyi i vyrabaŭ dekaratyŭna-prykładnoha mastactva Biełarusi i Ukrainy.
U prahramie foruma 3 kastryčnika čarhovaje pasiadžeńnie dvuchbakovaha kansultatyŭnaj rady dziełavoha supracoŭnictva, pieramovy pamiž pradstaŭnikami ŭkrainskich i biełaruskich kampanij, pasiadžeńnie sumiesnaj kamisii pa kaardynacyi pytańniaŭ achovy i ŭstojlivaha vykarystańnia transhraničnych pryrodaachoŭnych terytoryj, ekaforum.
Śpiecyjalisty taksama abmiarkujuć prablemnyja pytańni ŭzajemnaha tavaraabarotu ŭ častcy vykarystańnia vieterynarna-sanitarnych mierapryjemstvaŭ, adbuducca aficyjnaja sustreča kiraŭnikoŭ rehijonaŭ Ukrainy i Biełarusi z kiraŭnikom Žytomirskaj abłasnoj dziaržaŭnaj administracyi, kruhły stoł «Raźvićcio račnoha sudnachodstva na rekach Dniapro i Prypiać», forum i vystava vysokich technałohij, robatatechniki, miechatronika i startapaŭ. Na apošnim mierapryjemstvie tolki BDU pradstavić kala 20 raspracovak, uklučajučy makiet univiersiteckaha nanaspadarožniku.
Uviečary ŭ Žytomiry adbudziecca kancert družby z udziełam artystaŭ i tvorčych kalektyvaŭ Biełarusi i Ukrainy.
Na nastupny dzień 4 kastryčnika zapłanavana plenarnaje pasiadžeńnie z udziełam pradstaŭnikoŭ uradaŭ dźviuch krain, kiraŭnikoŭ rehijonaŭ. U hety dzień na forumie čakajuć i Alaksandra Łukašenku i Uładzimira Zialenskaha.
