Prezident Ukrainy Uładzimir Zialenski zajaviŭ, što formuła Štajnmajera nie praduhledžvaje admovy Ukrainy ad Danbasa i pryznańnia anieksii Kryma.
Pra heta jon zajaviŭ u svaim videazvarocie.
«Davajcie raźbiaromsia, što heta za formuła. Ci praduhledžvaje jana, što Ukraina pryznaje anieksiju Kryma i admaŭlajecca ad Danbasa? Nie. Ci praduhledžvaje jana, što vybary na Danbasie adbuducca zaŭtra i pad dułam kulamiotaŭ? Nie», — skazaŭ kiraŭnik Ukrainy, adznačyŭšy, što try hady tamu Piatro Parašenka zajaŭlaŭ pra pačatak raboty pa implemientacyi hetaj formuły.
Pa słovach Zialenskaha, hetaja formuła kaža tolki adno — kali pavinien zapracavać tak zvany zakon pra śpiecyjalny status Danbasa.
«A mienavita — paśla praviadzieńnia tam miascovych vybaraŭ, jakija adbuducca pa Kanstytucyi Ukrainy, pavodle zakanadaŭstva Ukrainy i paśla publikacyi spravazdačy ABSIE pra toje, što vybary prajšli ŭ adpaviednaści ź mižnarodnymi demakratyčnymi standartami», — skazaŭ jon.
Nahadajem, adrazu paśla ŭzhadnieńnia formuły Štajnmajera ŭ haradach Ukrainy prakaciłasia chvala pratestaŭ z zaklikam nie dapuścić kapitulacyi.
