UNIAN
Asudžany ŭkrainski žurnalist Pavieł Šarojka byŭ pamiłavany ŭ Biełarusi i ŭžo viarnuŭsia va Ukrainu. Pra heta paviedamiŭ prezident Ukrainy Uładzimir Zialenski ŭ tvitary.
«Jašče adzin ŭkrainski viazień, žurnalist Pavieł Šarojka, asudžany na 8 hadoŭ u Biełarusi, byŭ pamiłavany i ŭžo znachodzicca va Ukrainie», — napisaŭ Zialenski.
Jak paviedamlaje UNIAN, napiaredadni ministr zamiežnych spraŭ Ukrainy Vadzim Prystajka ahučyŭ stanoŭčyja naviny adnosna Šarojki.
Były karespandent UNIAN u Biełarusi Šarojka byŭ zatrymany ŭ Minsku 25 kastryčnika 2017 hoda. Jaho abvinavacili ŭ špijanažy i zajavili, što jon jość kadravym supracoŭnikam raźviedki Ukrainy.
Hałoŭnaje ŭpraŭleńnie raźviedki Ministerstva abarony Ukrainy paćvierdziła, što Šarojka pracavaŭ u hetym viedamstvie kiraŭnikom pres-słužby, ale ŭ 2009 hodzie byŭ zvolnieny pa stanie zdaroŭja.
23 maja 2018 hoda stała viadoma, što Viarchoŭny sud Biełarusi prysudziŭ Šarojku da 8 hadoŭ pazbaŭleńnia voli. 5 kastryčnika kiraŭnik KDB Biełarusi Valeryj Vakulčyk paviedamiŭ, što aficyjny Minsk razhladaje pytańnie ab pamiłavańni Šarojki. U studzieni 2018 hoda jaho pieraviali ź izalatara KDB Biełarusi ŭ kałoniju ŭ Babrujsku.
26 vieraśnia Alaksandr Łukašenka vykazaŭ hatoŭnaść vyrašyć pytańnie ab pamiłavańni Šarojki i abvinavačanaha hramadzianina Biełarusi Juryja Palityki ŭ najbližejšy čas.
Siońnia, 4 kastryčnika, stała viadoma, što Navazavodski rajonny sud Čarnihava vyzvaliŭ z-pad varty Palityku, jakoha padazrajuć u špijanažy.
Ukraina vyzvaliła biełaruskaha «špijona» Juryja Palityku za dzień da sustrečy Łukašenki i Zialenskaha
