Alaksandr Łukašenka i Uładzimir Zialenski abmierkavali supracoŭnictva ŭ naftapierapracoŭcy i pastaŭkach nafty, piša BiełTA.
«My nie ŭtojvajem. My i naftapradukty abmierkavali, i pierapracoŭku nafty, alternatyŭnyja šlachi pastaŭki nafty, i ahulnyja rynki, i zavody, i kapitały, i akcyjaniernyja… I elektraenierhiju paśla ŭvodu atamnaj stancyi. Nie budu havaryć pa canie. Užo damovilisia, jak i dzie možam pradavać. Vielmi šmat pytańniaŭ», — padkreśliŭ biełaruski lidar.
Alaksandr Łukašenka adznačyŭ, što ŭ jaho jość adzinaja prośba: «Kali damovilisia, davajcie zrobim. Kali nie treba, nie chočam — my pavinny sumlenna skazać, jak rodnyja ludzi: heta pakul nie cikava abo nielha, heta rabić nie budziem. Ale kali vyrašyli dno pahłybić na Prypiaci i Dniapry, davajcie pahłybim».
Adnaŭleńnie sudnachodstva pa Dniapry i raźvićcio partovaj haspadarki ŭ tym liku abmiarkoŭvałasia na sustrečy kiraŭnikoŭ dziaržaŭ.
«Heta nam budzie vyhadna», - upeŭnieny Łukašenka. Jon uspomniŭ momant, kali ŭ čas niadaŭniaj uboračnaj kampanii Ukraina paprasiła pastavić bolš dyzpaliva i bienzinu.
«Akazałasia, vahonaŭ niama. Bočki hetyja źbirali z usiaho śvietu, kab pastavić siudy. A była b daroha pa Dniapry, Prypiaci — u nas naohuł nie było b prablem. I ŭ advarotnym napramku», — zajaviŭ Łukašenka.
