Japonskaja studentka atrymała najvyšejšy bał za tvor, napisany niabačnymi čarniłami, piša BBC.
19-hadovaja Ejmi Chaha, pieršakurśnica histaryčnaha fakulteta Univiersiteta Mie, jakaja vyvučaje historyju nindzia, pavinna była napisać ese pra naviedvańnie Muzieja nindzia ŭ Iha-Uena. Adnak zamiest sačynieńnia jana zdała vykładčyku čysty arkuš papiery.
Nasamreč heta byŭ tvor, napisany z vykarystańniem techniki «aburydasi» — piśma niabačnymi čarniłami. Takoj technikaj karystalisia nindzia — dla pieradačy tajemnych listoŭ i pasłańniaŭ.
Isnuje vialikaja kolkaść receptaŭ dla vyrabu niabačnych čarniłaŭ. Ejmi Chaha pryhatavała čarniła pa staražytnym recepcie, jaki vykarystoŭvaŭsia ŭ časy nindzia — z sojevych baboŭ.
Dla taho, kab pračytać pasłańnie, napisanaje ŭ takoj technicy, nieabchodna nahreć papieru, patrymaŭšy jaje nad ahniom.
Pryhatavańnie čarniłaŭ zaniało 10 hadzin.
Paśla taho, jak čarniły byli hatovyja, Chaha pryniałasia za napisańnie sačynieńnia — z dapamohaj pendźla, na tradycyjnaj japonskaj papiery «vasi».
Kab być upeŭnienaj u tym, što jaje sačynieńnie nie adpravicca ŭ śmietnik, Chaha pakinuła na palach — užo zvyčajnymi čarniłami — pamietku: «nahreć papieru».