president.gov.ua
Prezident Ukrainy Uładzimir Zialenski pavinšavaŭ vajskoŭcaŭ z Dniom abaroncy Ukrainy padčas naviedvańnia Danieckaj vobłaści i ŭručyŭ im uznaharody, paviedamlaje UNIAN
U svaim vystupie Zialenski adznačyŭ, što «byli časy, kali my žyli zanadta biesturbotna pa ŭsioj krainie».
Pa słovach prezidenta, u toj čas zdavałasia, što vajna była niešta vielmi dalokaje. «U hety čas dziaržava albo mała, albo zusim nie turbavałasia pra ŭłasnuju armiju», - dadaŭ jon.
Zialenski padkreśliŭ, što dla razumieńnia toj «niedalnabačnaści i naiŭnaj dziciačaj davierlivaści», Ukraina pavinna była zapłacić «zanadta darahuju canu»: stratu niekatorych terytoryj i tysiač ludziej.
Prezident patłumačyŭ, što maje na ŭvazie anieksiju Kryma i vajnu na Danbasie.
Zialenski padkreśliŭ, što Ukrainie ŭdałosia «naradzicca nanova». «Ustać na nohi, pazbavicca pyłu i skazać: «Nie, nie dačakajeciesia», - dadaŭ prezident.
