U Niderłandach palicyja vyjaviła siamju, jakaja na praciahu dzieviaci hadoŭ žyła ŭ padvale, čakajučy kanca śvietu, piša BBC.
58-hadovy mužčyna i šaściora jaho darosłych dziaciej, jakim ad 16 da 25 hadoŭ, žyli na fiermie.
Ich znajšli paśla taho, jak syn zamoviŭ piva ŭ bary ŭ susiednim siale, a potym paviedamiŭ rabotnikam, što jamu patrebna dapamoha. Jon vyhladaŭ razhublenym.
Pa słovach uładalnika bara Krysa Viesterbieka, jon zamoviŭ piać porcyj piva i vypiŭ ich.
«Tady ja pahutaryŭ ź im, i jon raskazaŭ, što ŭciok i prosić dapamohi… tady my vyklikali palicyju», — skazaŭ jon.
Viesterbiek dadaŭ, što ŭ jaho byli doŭhija vałasy, brudnaja barada, staraja vopratka.
«Jon skazaŭ, što nikoli nie chadziŭ u škołu i nie byŭ u cyrulnika dzieviać hadoŭ», — skazaŭ uładalnik bara.
Pa słovach Viesterbieka, mužčyna raskazaŭ, što žyŭ z małodšymi bratami i siostrami ŭ izalacyi na fiermie i ŭśviadomiŭ, što jany pavinny vybracca adtul.
Pa navodcy maładoha čałavieka, palicejskija zajšli ŭ dom i za šafaj u haścinaj vyjavili leśvicu, jakaja viała ŭniz, u sklep, dzie žyła siamja.
58-hadovy haspadar siamiejstva admoviŭsia supracoŭničać sa śledčymi. Jaho aryštavali, i ciapier pravodzicca rasśledavańnie.
Nieviadoma, jak doŭha siamja pražyła ŭ sklepie i što adbyłosia z maci dziaciej. Adnak, pa słovach mera miastečka, žančyna pamierła.