Sidniej — punkt prybyćcia samaha doŭhaha pasažyrskaha avijarejsu. Fota Pixabay.com
Samalot avijakampanii Qantas Airlines zrabiŭ samy doŭhi ŭ historyi biespasadkavy pieralot. Pra heta śviedčyć infarmacyja partała FlightAware.
Łajnier Boeing 787-9 vylacieŭ ź Ńju-Jorka ŭ Sidniej, i prabyŭ u pavietry 19 hadzin 14 chvilin. Łajnier pralacieŭ 16 309 kiłamietraŭ i pryziamliŭsia z spaźnieńniem ŭ 37 chvilin.
Padčas palotu za stanam pasažyraŭ i členaŭ ekipaža nazirali daktary. Dla pasažyraŭ byli pryhatavanyja miełatanin ŭ tabletkach, leki ad padvyšanaj tryvožnaści i akulary, jakija imitujuć soniečnaje śviatło.
Minuły rekord pa praciahłaści palotu, jak piša Lenta.ru, naležaŭ samalotu kampanii Singapore Airlines. Airbus A350-900URL lataje ź Sinhapura ŭ Ńju-Jork za 18 hadzin 50 chvilin.
Ličycca, što adno z samych niehatyŭnych nastupstvaŭ doŭhaha znachodžańnia ŭ sałonie samalota — hipadynamija. Kali pravieści bolš jak try hadziny ŭ kreśle, parušajecca kryvaciok. Heta pryvodzić da zastoju limfy i aciokam noh.
