Ludzi z chraničnymi zachvorvańniami — naprykład, z artrytam, — čaściej adčuvajuć bol padčas vilhotnaha nadvorja. Daśledčyki Mančesterskaha ŭniviersiteta vyvučyli danyja, sabranyja sa smartfonaŭ 2500 čałaviek, i vyjavili, što pačućcio bolu ŭ roznych častkach cieła ŭzmacniajecca ŭ adnosna ciopłyja, ale pry hetym daždžlivyja dni, piša BBC.
Mnohija ludzi niaredka skardziacca, što ŭ ich balać sustavy, kali źmianiajecca nadvorje. Niekatoryja navat śćviardžajuć, što mohuć pradkazać budučyja źmieny nadvorja na padstavie taho, jak «adčuvajuć» siabie ich kaleni, sustavy palcaŭ i hetak dalej.
Ale daśledavać suviaź pamiž nadvorjem i pačućciom bolu nadzvyčaj składana.
Mančesterskija navukoŭcy vyvučyli danyja žycharoŭ roznych rajonaŭ Vialikabrytanii, jakija pakutujuć ad artrytu i inšaha bolu.
Na praciahu ad adnaho da 15 miesiacaŭ daśledčyki rehistravali ŭzrovień bolu, pra jaki paviedamlali vałanciory, a ich smartfony adznačali miascovyja ŭmovy nadvorja.
Spałučeńnie nizkaha atmaśfiernaha cisku ź vietranym i syrym nadvorjem pavialičvaje adčuvańnie bolu na 20%. U takoje nadvorje ludzi taksama čaściej paviedamlali, što ŭ ich «łomić kości».
Pry hetym nie było znojdziena karelacyi z adnoj tolki tempieraturaj pavietra ci ž tolki ŭzroŭniem vilhotnaści pavietra.
