Staličnym pravaachoŭnikam pastupiła infarmacyja, što minčuk zajmajecca prodažam narkatyčnych srodkaŭ. Apieratyŭniki vyjechali na kvateru mužčyny, paviedamlaje staličnaja milicyja.
U jaho kvatery znajšli i kanfiskavali spresavanaje rečyva karyčnievaha koleru — hašyš vahoj 55 hramaŭ, elektronnyja vahi, prystasavańnie dla kureńnia i niekalki skrutkaŭ. Akramia taho, u minčuka znajšli revalvier. Pistalet adpravili na balistyčnuju ekśpiertyzu.
Paśla ŭdałosia zatrymać pakupnika narkotyku. U momant zatrymańnia ŭ jaho z saboj było 1,1 hrama anałahičnaha rečyva.
Paviedamlajecca, što abodva fihuranty nie pracavali. Zbytčyk narkotyku raniej pryciahvaŭsia da kryminalnaj adkaznaści za kradziež transpartnaha srodku. Pravaachoŭniki miarkujuć, što ŭ mužčyny mahli być jašče pakupniki.
