NATA nie bačyć pryčyn dla chvalavańnia Biełarusi ŭ suviazi z vučeńniami aljansu kala miežaŭ našaj krainy. Pra heta zajaviŭ u paniadziełak u Brusieli hienieralny sakratar NATA Jens Stołtenbierh, piša TASS.
«NATA zaŭsiody zabiaśpiečvała transparentnaść i pradkazalnaść, kali havorka idzie ab praviadzieńni našych vajennych vučeńniaŭ. I sajuźniki pa NATA pradkazalnyja i prazrystyja ŭ tym, jak jany pravodziać svaje vučeńni. Takim čynam, abarončy aljans, jaki pravodzić vučeńni svaich sił, nie pavinien vyklikać zaniepakojenaść u susiedziaŭ», — skazaŭ jon.
U kastryčniku ŭ Litvu byŭ pierakinuty bataljon Uzbrojenych sił ZŠA, u składzie jakoha kala 500 vajskoŭcaŭ, 30 tankaŭ Abrams i 25 bajavych mašyn piachoty Bradley. Padraździaleńnie raźmieščana na palihonie, što za 15 kiłamietraŭ ad biełaruskaj miažy. Alaksandr Łukašenka daručyŭ dziaržsakrataru Rady biaśpieki i ministru abarony krainy raspracavać i pradstavić płan mierapryjemstvaŭ pa adekvatnym reahavańni na hetyja dziejańni.