Staršynia Biełaruskaj sacyjał-demakratyčnaj partyi Ihar Barysaŭ prapanavaŭ pravieści ŭ Pałacie pradstaŭnikoŭ Dzień adkrytych dźviarej. Pra heta jon paviedamiŭ «Našaj Nivie» i prademanstravaŭ svaju pierapisku.
«Dzień adkrytych dźviarej patrebien dla bolšaha razumieńnia taho, što ŭjaŭlaje saboj sučasny biełaruski parłamient, jak adbyvajecca jaho praca i ŭzajemadziejańnie ź inšymi dziaržaŭnymi orhanami, jak pracujuć parłamienckija kamisii, farmirujucca palityčnyja frakcyi, raspracoŭvajucca, abmiarkoŭvajucca i prymajucca zakony, jaki hrafik u deputataŭ, jak adbyvajecca praca na ich vybarčych akruhach, jakija košty ŭ stałovaj i jaki ramont u deputackich kabinietach, — napisaŭ jon u svaim zvarocie, —
Mnie daviałosia niekalki razoŭ byvać u parłamientach Litvy, Narviehii i Šviecyi, adnak dalej choła biełaruskaha parłamienta patrapić nie atrymałasia.
Bolšaja adkrytaść parłamienta budzie stanoŭča aceniena nie tolki patencyjnymi kandydatami ŭ deputaty, adnak žurnalistami i pradstaŭnikami mižnarodnaj supolnaści».
Adnak u Pałacie pradstaŭnikoŭ ideju nie acanili.
«Ukazanaja Vami forma dziejnaści zakanadaŭstvam nie praduhledžana», — adkazaŭ apazicyjanieru staršynia Pastajannaj kamisii pa dziaržaŭnym budaŭnictvie Leanid Cupryk.
Jon zapeŭniŭ, što deputaty i tak pravodziać infarmacyjnyja sustrečy z arhanizavanymi hrupami navučencaŭ, studentaŭ i pracoŭnymi kalektyvami.
