Padletak ź Viciebskaj vobłaści vydatkavaŭ bolš za 2 tysiačy rubloŭ z bankaŭskaj karty, jakuju zhubiła minčanka, paviedamlaje HUUS Minharvykankama.
Na 16-hadovaha chłopca supracoŭniki staličnaj milicyi vyjšli dziakujučy infarmacyi pra płaciažy, jakija ažyćciaŭlalisia z kart-rachunku žycharki stalicy, jakaja źviarnułasia da pravaachoŭnikaŭ.
Małady čałaviek znajšoŭ bankaŭskuju kartu na vulicy, sfatahrafavaŭ jaje dadzienyja i ź ich dapamohaj nabyvaŭ hulni z metaj pierapradać ich na inšych internet-placoŭkach.
Zhubu bankaŭskaj karty žančyna vyjaviła tolki praź miesiac. Usiaho ŭ svaim asabistym kabiniecie internet-bankinhu jana naličyła bolš za 40 apieracyj, jakija nie ździajśniała. Suma škody skłała bolš za 2 tys. rubloŭ.
U Frunzienskim RASKu daduć pravavuju acenku dziejańniam junaka.
