Kiraŭnik Administracyi prezidenta Natalla Kačanava prakamientavała inicyjatyvu zrabić 31 śniežnia dziaržaŭnym vychodnym dniom, piša Tut.by
— Ja vielmi spakojna staŭlusia da 31 śniežnia. Jak vyrašać ludzi, tak i budzie, jak vyrašyć urad. Hałoŭnaje, kab było zručna i kamfortna. Mnie ŭsio roŭna, ja pracuju i 31, i 7-ha, dla nas heta nie pryncypova, — zajaviła Natalla Kačanava, adkryvajučy basiejn u Šabanach.
Nahadajem, inicyjatyvu zrabić 31 śniežnia vychodnym dniom aktyŭna abmiarkoŭvajuć u hramadstvie. Adpaviednaja pietycyja źjaviłasia ŭ internecie. Razabracca ŭ pytańni paabiacaŭ i premjer-ministr krainy.
— Mnie treba hłybiej pahłybicca ŭ pytańnie. Nie razumieju, čamu 31-ha śniežnia, voś pra 2-je bolš razumieju: adnaho dnia mała. Abiacaju, što vyvuču hetaje pytańnie, — skazaŭ učora žurnalistam Siarhiej Rumas.
Nahadajem, u 2019 hodzie 31 śniežnia prypadaje na aŭtorak, i heta pracoŭny dzień. A voś u sieradu i čaćvier, 1 i 2 studzienia, my adpačyvajem. U piatnicu treba budzie iści na pracu. U navahodni tydzień rabočaj taksama budzie subota: mienavita na 4-je pieraniesieny pracoŭny dzień za druhoje studzienia. Takoje rašeńnie pryniali va ŭradzie.
