Fota: mlyn.by
Realizacyjaj prajekta zajmałasia kampanija «Biełkalij-Mihao», u jakoj dola «Biełaruśkalija» składaje 70%, Migao Corporation — 30%. Hienieralnym padradčykam budaŭnictva zavoda vystupała pryvatnaja kampanija «Mašchimpram», jakaja ŭvachodzić u chołdynh «Pasat».
«Pieršy ŭ Respublicy Biełaruś zavod pa vytvorčaści nitratu kaliju uźviedzieny ŭ rekordna karotkija terminy — za hod, zamiest zapłanavanych 3,5 hadoŭ. Budaŭnictva ažyćciaŭlałasia ŭ ramkach stratehii raźvićcia «Biełaruśkalij» i nakiravana na dyviersifikacyju vytvorčaści na asnovie bazavaha praduktu — chłarydu kaliju, pašyreńnie rynkaŭ zbytu, stvareńnie novych kankurentnych pieravah», — paviedamlaje pres-słužba salihorskaj kampanii.
Fota: mlyn.by
Nitrat kaliju ŭ asnoŭnym užyvajecca ŭ jakaści minieralnaha ŭhnajeńnia ŭ sielskaj haspadarcy i źjaŭlajecca premijalnym praduktam, bo ŭ im źmiaščajucca adrazu dva asnoŭnyja pažyŭnyja elemienty dla raślin, azot i kalij, i praktyčna adsutničaje chłor.
Kali tona kalijnych uhnajeńniaŭ kaštuje 260-290 dalaraŭ, u zaležnaści ad rynku, to tona nitratu kaliju — kala 800 dalaraŭ.
Hadavaja mahutnaść pieršaj čarhi novaha zavoda składzie 80 tysiač ton nitratu kaliju i 62 tysiačy ton hranulavanych azotna-kalijnych uhnajeńniaŭ. Płanujecca, što pradukcyja budzie pradavacca ŭ krainy Jeŭrasajuza, Turcyju i Rasiju, a taksama Kitaj, što praduhledžana padpisanym z Migao Corporation asobnym pahadnieńniem.
Fota: mlyn.by
Kompleks abyšoŭsia ŭ 102,9 młn jeŭra. Bank BiełVEB vyłučyŭ kredyt u pamiery 57 młn ieŭra.
Termin akupnaści novaha zavoda — kala čatyroch hadoŭ.
Hety prajekt — pačatak sumiesnaj pracy Migao Corporation i «Biełaruśkalija». Napieradzie — druhaja čarha pa vytvorčaści novaj pradukcyi, u pryvatnaści, sulfatu kaliju.
Fota: mlyn.by
