U rasparadžeńni haziety The Sunday Times, niadzielnaha dadatku vydańnia The Times, jak śćviardžajuć u haziecie, apynuŭsia sakretny dakład kamiteta parłamienta pa vyviedcy i biaśpieki, u jakim paznačany imiony bahatych rasiejcaŭ, jakija spansavali partyju tory, piša DW.
Brytanskija specsłužby ŭ sakretnym dakładzie, pryśviečanym pahrozie demakratyi ŭ Vialikabrytanii, nazvali imiony dzieviaci rasijskich biźniesmienaŭ, jakija, zhodna ź ich dadzienymi, akazvali finansavuju dapamohu Kansiervatyŭnaj partyi krainy.
Pa infarmacyi vydańnia, adnym z aliharchaŭ, što spansavaŭ tory, byŭ rasijski i brytanski biznesoviec ukrainskaha pachodžańnia Alaksandr Ciamierka. Brytanskija žurnalisty śćviardžajuć, što Ciamierka, jaki pracavaŭ raniej na rasijskaje ministerstva abarony i nazyvaje premjer-ministra Vialikabrytanii Borysa Džonsana svaim siabram, za apošnija siem hadoŭ achviaravaŭ brytanskim kansiervataram bolš za 1,2 młn funtaŭ sterlinhaŭ (u pieraliku kala 1,4 młn jeŭra).
U dakładzie taksama zhadvajecca imia Jaŭhiena Lebiedzieva — syna saŭładalnika brytanskaj haziety The Evening Standard, biznesoŭca Alaksandra Lebiedzieva. Jak raspavioŭ žurnalist The Sunday Times Tom Charpier, u krasaviku 2018 hodu Borys Džonsan, jaki zajmaŭ tady pasadu ministra zamiežnych spraŭ, byŭ hościem Jaŭhiena Lebiedzieva na vile apošniaha ŭ Italii.
U toj ža čas samym bujnym rasijskim sponsaram tory vydańnie nazyvaje Luboŭ Čarnuchinu - žonku byłoha namieśnika ministra finansaŭ Rasii Uładzimira Čarnuchina. Paviedamlajecca, što letaś Čarnuchin achviaravaŭ Kansiervatyŭnaj partyi 450 tysiač funtaŭ sterlinhaŭ (522 tysiačy jeŭra).
Dakład ab niezakonnaj dziejnaści rasiejcaŭ u Vialikabrytanii byŭ padrychtavany mižpartyjnyja vybarnym kamitetam brytanskaha parłamienta pa vyviedcy i biaśpiecy, adnak jaho abnarodavańnie było zabłakavana brytanskim uradam.
