U Minskim zaaparku ŭ listapadzie ŭ siamiejstvie łam adbyłosia papaŭnieńnie, paviedamlajecca na sajcie ŭstanovy.
— Zvyčajna dzicianiaty ŭ hetych žyvioł naradžajucca viasnoj ci letam, ale byvaje i «pazapłanavy» pamiot, jak u našaj pary. Taki voś radasny pieradnavahodni padarunak padnieśli łamy naviedvalnikam zaaparku, — adznačyli supracoŭniki.
Ź mianuškaj novanarodžanaj pakul nie śpiašajucca: kažuć, treba pačakać, pakul ŭ małoj vyjavicca bolš indyvidualnych rysaŭ charaktaru. Pakul jana jašče siłkujecca małakom mamy Viasnuški. Ale nieŭzabavie pačnie kaštavać «darosłuju» ježu: siena, vieniki, zbožža, harodninu — morkvu, karmavyja buraki, bulbu.
Darečy, Viasnuška pryjechała z Hrodzienskaha zaaparku, a tata małoj-łamy pa mianušcy Šuryk rodam ź Lipiecka. Razam ź imi puchnataja rudaja małaja chodzić pa valjery i adpačyvaje ŭ admysłovym domiku.
