Chronika

U navahodniuju noč siabry niezarehistravanaha «Zubra» ŭźniali na Kastryčnickaj płoščy 10 bieł-čyrvona-biełych ściahoŭ. Pieraśled aktyvistaŭ Alaksandra Darafiejeva, siabra inicyjatyŭnaj hrupy Milinkieviča, 21 śniežnia zatrymali ŭ svajoj kvatery: jaho padazrajuć u dačynieńni da rabaŭnictva (Darafiejeŭ kaža, što padvoziŭ mierkavanych «rabaŭnikoŭ», ale nia viedaŭ pra złačynstva). Kala Žłobina 23 śniežnia milicyjanty spynili mašynu aktyvista Ŭładzimiera Kacory j kanfiskavali 57 tys. navahodnich vinšavalnych paštovak ad Milinkieviča. Kiraŭnika Janaŭskaha rajonnaha štabu Ŭładzimiera Kazieku zatrymali 29 śniežnia ŭ Biełaaziorsku, zabraŭšy 800 numaroŭ «Narodnaj Voli». U noč na 31 śniežnia supracoŭniki DAI zatrymali ŭ Viciebsku Chrystafora Žalapava, kiraŭnika viciebskaha štabu, i praviali niesankcyjavany nadhlad. Jaho zmusili dać piśmovyja tłumačeńni pra pachodžańnie instrukcyjaŭ źbiralnikam podpisaŭ i materyjałaŭ pra adzinaha. U SPB Anžaliku Borys 21 śniežnia vyklikali da śledčaha na vočnuju staŭku z dyrektaram ščučynskaha Domu palakaŭ Viktaram Bohdanam: jon vinavacić aktyvistaŭ SPB u zapałochvańni. 29 śniežnia śledztva pa hetaj kryminalnaj spravie prakuratura padoŭžyła jašče na miesiac. 26 śniežnia kala Sapockina zatrymanyja «za parušeńnie režymu znachodžańnia ŭ pamiežnaj zonie» hałoŭny redaktar hazety «Głos znad Niemna ŭ emihracyi» A.Pisalnik, hałoŭny redaktar časopisu «Magazyn Polski» Andrej Pačobut dy kiroŭca Andžej Lisoŭski. Jany jechali na kaladnuju sustreču. U Śvietłahorsku Rajonny sud 13 śniežnia aštrafavaŭ aktyvista TBM Vadzima Bohdana na 300 tys.rub. za ŭlotki, znojdzienyja ŭ jaho kvatery. Siabra PBNF Telman Maślukoŭ nakiravaŭ zajavu ŭ prakuraturu: pravieryć pravamiernaść dziejańniaŭ milicyjantaŭ, jakija praviali pieratrus kvatery. Milicyjanty viarnuli adzin z kseraksaŭ. Presa pad presam 12 śniežnia sud Miensku pakinuŭ u sile rašeńnie sudu Kastryčnickaha rajonu, kab «BDH. Diełovaja hazieta» i žurnalist Siarhiej Sacuk spłacili byłomu supracoŭniku AMONu Siarhieju Biadryckamu štraf: z hazety — 20 młn rub., z Sacuka — 2 młn. Paśla dadatkovaj pravierki Mienskaja rajonnaja prakuratura 14 śniežnia pastanaviła nie pačynać kryminalnuju spravu pa fakcie śmierci žurnalista Vasila Hrodnikava. Sud Partyzanskaha rajonu 15 śniežnia admoviŭ Iharu Šynkaryku: aktyvist AHP padaŭ sudovy pazoŭ na RUP «Biełpošta», jakoje nia ŭniesła hazetu «Narodnaja Vola» ŭ padpisny kataloh. Na redaktara niedziaržaŭnaha infarmacyjnaha biuleteniu «Naziralnik» Paŭła Krasoŭskaha z Žodzina 15 śniežnia zaviali administracyjnuju spravu: jaho vinavaciać u «fakcie źniavahi dziaržaŭnaj asoby» za karykaturu ŭ vydańni. «Bieraścieabłsajuzdruk» 16 śnie-žnia admoviŭ hazecie «Hancavicki čas» u raspaŭsiudzie na 2006 h. Z 1 studzienia niedziaržaŭnaja hazeta «Chimik» u Navapołacku budzie dastupnaja tolki pa padpiscy: połackaje adździaleńnie «Viciebskabłsajuzdruku» admoviła ŭ raspaŭsiudzie. Prafsajuznaje vydańnie «Salidarnaść» 23 śniežnia spyniła vychad. Haradzienskaja abłasnaja drukarnia 27 śniežnia admoviłasia drukavać «Hazietu Słonimskuju» ŭ 2006 h. Śledztva pa zabojstvie žurnalistki Vieraniki Čarkasavaj spyniena 27 śniežnia «ŭ suviazi ź nieŭstanaŭleńniem asoby, jakaja padlahaje pryciahnieńniu da adkaznaści ŭ jakaści abvinavačanaha». Jaje syna Antona zatrymali 29 śniežnia j źmiaścili ŭ SIZA, chłopca vinavaciać u vyrableńni i zbycie falšyvych kupiuraŭ. Aŭtuchoviča vypuścili Mikałaja Aŭtuchoviča 27 śniežnia pieraviali ŭ vaŭkavyskuju bolnicu, źmianiŭšy mieru strymańnia na padpisku pra niavyjezd. Pradprymalnik trymaŭ haładoŭku 74 dni, schudnieŭ na 40 kh. U Homieli Aktyvista BSDP(H) Jaŭhiena Fursiejeva 14 śniežnia zvolnili z pasady vykładčyka palitalohii Homielskaha ŭniversytetu. 20 śniežnia kala budynku UKDB zatrymanyja moładzievyja aktyvisty Andrej Kiryłaŭ, Dzianis Čykaloŭ, Źmicier Saŭčanka: jany trymali partrety zubroŭca Andreja Zajcava, jaki skončyŭ žyćcio samahubstvam u 2001 h., kali jaho dapiakaŭ kahebist. Haładoŭka ŭ Kalinkavičach Čarnobylski likvidatar, invalid II hrupy Vasil Silivierst abviaściŭ 16 śniežnia haładoŭku ŭ Kalinkavickim rajonnym sudzie: jon damahajecca, kab pryznali, što jahonaja invalidnaść vyklikanaja ŭdziełam u likvidacyi nastupstvaŭ Čarnobylu. Dzień salidarnaści 15 śniežnia ŭ Barysavie padčas raspaŭsiudu ŭlotak da Dnia salidarnaści zatrymali Alesiu Jasiuk. Paŭła Madžaru zatrymali 15 śniežnia ŭ Homieli za raspaŭsiud ulotak ź infarmacyjaj pra Dzień salidarnaści. U Śvietłahorsku 16 śniežnia zatrymali ŭdzielnikaŭ Dnia salidarnaści T.Maślukova, Andreja Muzyčenku, Vadzima Danilčanku, Rusłana Lutareviča, aktyvista PKB Mikałaja Michalkieviča. Jurja Kałyčava, Daniłu Barysieviča, Rusłana Maćviejeva zatrymali ŭ Miensku, kali jany fatahrafavali zapalenyja ŭ voknach śviečki. Naziralnik u pastarunku Mikołu Astrejku 17 śniežnia zavieźli ŭ specpryjomnik-raźmierkavalnik, kab adsiedzieŭ 11 z 15 sutak za praviadzieńnie niesankcyjavanaha schodu, jakija nie adbyŭ praz chvarobu. Relihijny pieraśled Pratestanckaj supołcy «Śviatło śvietu» abjadnańnia Chryścijanaŭ poŭnaha Evanhiella pahražaje likvidacyja: jana straciła jurydyčny adras. Probašču katalickaj parafii ŭ Barysavie, hramadzianinu Polščy Robertu Kšyvickamu 20 śniežnia nie padoŭžyli vizu na 2006 h. ź inicyjatyvy Kamitetu ŭ spravach relihijaŭ i nacyjanalnaściaŭ. Štrafy na BCHK Prezydyjum Vyšejšaha haspadarčaha sudu 20 śniežnia zabaviazaŭ HA «Biełaruski Chelsynski kamitet» spłacić kala 75 tys. dalaraŭ padatkaŭ i štrafaŭ za hranty, atrymanyja ad eŭrapiejskich strukturaŭ. U Horadni Uładzimiera Levanieŭskaha zatrymali 22 śniežnia ŭ Horadni padčas raspaŭsiudu biuleteniu «Priedprinimatiel». Haradzienski abłasny sud 15 śniežnia likvidavaŭ HA «Tavarystva vyšejšaj biełaruskaj škoły»: jano nie prajšło pierarehistracyi. Sudy za salidarnaść z presaj 23 śniežnia milicyjanty ŭ Baranavičach pačali składać pratakoły na ŭdzielnikaŭ pikietu ŭ abaronu niedziaržaŭnaj presy, što adbyŭsia 10 śniežnia, — Viktara Mieziaka, Arkadzia Blinkoŭskaha, Siarhieja Hoŭšu, Viktara Syrycu. Za ŭdzieł 10 śniežnia ŭ akcyi padtrymki niedziaržaŭnaj hazety «Viciebski kurjer» 28 śniežnia ŭ Viciebsku aštrafavanyja na 580 tys.rub. sacyjał-demakraty A.Haŭrucikaŭ, Źmicier Karatkievič, Kaciaryna Sampojeva, Ivan dy Alaksandra Cierašy, aktyvist PBNF K.Smolikaŭ. Moładździu cikaviacca Moładzievaha aktyvista Paŭła Juchnieviča zatrymali 24 śniežnia kala kaściołu śv.Symona j śv. Aleny ŭ Miensku dy zavieźli ŭ Maskoŭski RUUS. 27 śniežnia ŭ Miensku na kvatery moładzievaha aktyvista Siarhieja Rykava adbyŭsia pieratrus, jaki biez anijakich dakumentaŭ pravioŭ milicyjant i dvoje ŭ cyvilnym. U Maskoŭskim RUUS chłopca dapytvali supracoŭniki KDB. Zarembiuka bajacca U deputata Mastoŭskaha rajsavietu, siabra inicyjatyŭnaj hrupy Milinkieviča Alesia Zarambiuka 27 śniežnia milicyja brała tłumačeńni nakont biuleteniu «Mastoŭskaja praŭda». Jon zajaviŭ, što nia maje dačynieńnia da vydańnia. Minjust treple partyjam nervy 27 śniežnia ministerstva vyniesła paŭtornaje papiaredžańnie Biełaruskaj ekalahičnaj partyi zialonych, BSDP(H), partyi žančyn «Nadzieja», PBNF, Patryjatyčnaj partyi za adsutnaść juradrasoŭ u nizavych supołak. Narkotyki i falšyvyja dalary Aktyvista BSDP(H) P.Madžaru z Homielu zatrymali 23 śniežnia. U jaho znajšli pakiecik z 1,5 h marychuany j zaviali kryminalnuju spravu za «niezakonny abarot narkotykaŭ». Chłopiec kaža, što narkotyki padkinuli. 27 śniežnia ŭ Miensku zatrymali Siarhieja Papkova, kiraŭnika inicyjatyŭnaj hrupy Z.Paźniaka: jaho źvinavacili ŭ zbycie falšyvaj kupiury. Pry pieratrusie na kvatery siabry KCHP-BNF milicyjanty praviarali fajły na jahonym kamputary. Hrafici—kryminał Unačy na 28 śniežnia za malavańnie hrafici «16» zatrymali moładzievych aktyvistaŭ Alaksandra Kazakova j Źmitra Zubra. Ich trymali ŭ pastarunku bolš za dvoje sutak i raspačali spravu pavodle art.363 KK (supraciŭ rabotniku milicyi ci inšaj asobie, jakaja achoŭvaje hramadzki paradak). Chłopcam pahražajuć abmiežavańnie voli terminam ad šaści miesiacaŭ da 3 hadoŭ. Začynienaja «Biełaruskaja perspektyva» 28 śniežnia Viarchoŭny sud likvidavaŭ mižnarodnaje HA «Biełaruskaja perspektyva» za rehistracyju juradrasu ŭ žyłym fondzie j vykarystańnie ŭ naźvie słova «biełaruskaja». Viciebski harvykankam 28 śniežnia paviedamiŭ, što spyniaje damovu na arendu ofisu dla HA «Pryvatnyja inicyjatyvy». Prafesaru Alehu Manajevu, kiraŭniku zarehistravanaha ŭ Vilni Instytutu sacyjalna-ekanamičnych i palityčnych daśledavańniaŭ, 30 śniežnia prakuratura vyniesła papiaredžańnie za sacapytańni, praviedzienyja «z parušeńniem ustanoŭlenaha paradku». Manajeŭ kaža, što pravodzić sacapytańni jak pryvatnaja asoba. Štraf za Fiadutu Rabotnicu traktarnaha zavodu Raisu Kaćko pakarali štrafam na 58 tys.rub. za prodaž knih i hazetaŭ u nienaležnym miescy. Žančyna miarkuje, što padstava — prodaž knihi A.Fiaduty «Alaksandar Łukašenka». Kamedyja pad zabaronaj 30 śniežnia nie adbyłosia premjery biełaruskamoŭnaj versii filmu «Luboŭ nasamreč»: administracyja Mienskaha pałacu dziaciej i moładzi admoviłasia ad imprezy. Padstavaj stała toje, što arhanizataram vystupiła nie jurydyčnaja asoba, a hrupa moładzi. AŠ