Viarchoŭny sud Polščy 14 listapada adchiliŭ kasacyjnuju skarhu ŭpaŭnavažanaha ambudsmiena adnosna ekstradycyi hramadzianina Biełarusi, jaki na radzimie abvinavačvajecca ŭ arhanizavanaj złačynnaj hrupie, źviazanaj z prodažam mietałałomu, piša Intex-press.by
Słuchańni ŭ Kryminalnaj pałacie tyčylisia vydačy pravaachoŭnym orhanam Biełarusi pradprymalnika Andreja Rakieviča.
Z 2008 hoda Rakievič zajmaŭsia ŭ našaj krainie budaŭničym biznesam. U sakaviku 2016 hoda pradprymalnik sa svajoj siamjoj pajechaŭ u Čechiju, dzie daviedaŭsia, što suprać jaho raspačata kryminalnaja sprava. Jon pryjechaŭ u Polšču i lehalizavaŭ tam svajo znachodžańnie. Da hetaha na praciahu mnohich hadoŭ jon finansava padtrymlivaŭ biełaruskuju apazicyju na sumy ŭ pamiery ad 100 da 1000 dołaraŭ ZŠA.
Biełarus daviedaŭsia, što na radzimie jaho abvinavacili ŭ kiravańni złačynnaj hrupoŭkaj, jakaja składałasia ź miascovych kampanij, što zajmalisia nabyćciom i prodažam mietałałomu. Jon padazrajecca ŭ machlarstvie, zaniženi zakupačnych cen, kradziažy šlacham złoŭžyvańnia ŭładaj i padrobkach.
Varšaŭski sud u pieršaj instancyi paličyŭ, što isnuje jurydyčnaja dapuščalnaść jaho ekstradycyi. Apielacyjny sud u Varšavie padtrymaŭ rašeńnie suda pieršaj instancyi.
Pastanova ab vydačy hruntavalisia na:
- mižnarodnym pahadnieńni pamiž Polščaj i Biełaruśsiu ab pravavoj dapamozie 1994 hoda;
- art. 604 Kryminalna-pracesualnaha kodeksa Polščy, što vyznačaje padstavy dla vydačy asobaŭ zamiežnym dziaržavam.
Polski ambudsmien nakiravaŭ u sud kasacyjnuju skarhu. Na dumku pravaachoŭnika, kali Rakieviča vydaduć, a ministr justycyi albo ministr zamiežnych spraŭ Polščy nie pieraškodziać hetamu, pradprymalnika čakaje sudovy praces u Biełarusi, jaki nie harantuje niepraduziataści i zachavańnia pravoŭ čałavieka.
Viarchoŭny sud nie pryniaŭ da ŭvahi kasacyjnuju skarhu ambudsmiena, «pakolki niama dokazaŭ taho, što asoba, pryciahnutaja da adkaznaści, pazbaŭlajecca harantyi spraviadlivaha i niezaležnaha sudovaha pracesu ŭ Biełarusi». Pavodle sudu, taksama niama dokazaŭ taho, što jon pryciahvajecca da adkaznaści za palityčnuju dziejnaść.
Sud padkreśliŭ, što admovu ŭ vyzvaleńni ad pryciahnieńnia da adkaznaści pavinna być naležnym čynam matyvavana. Jak adznačyŭ sudździa Jarasłaŭ Matras, dla admovy ŭ ekstradycyi sudu treba davieści, što abvinavačanamu było pradjaŭlenaje abvinavačvańnie, jakoje maje pad saboj akaličnaści, nie źviazanyja z hetym złačynstvam. Jon dadaŭ, što nijakich padobnych dokazaŭ u hetaj spravie nie było.
Jak adznačyŭ sudździa Matras, materyjały spravy pakazvajuć, što Rakievič z 2014 hoda nie padtrymlivaŭ apazicyju finansava.
Ci adbudziecca zaraz ekstradycyja zaležyć ad polskich uładaŭ, u pryvatnaści ministra justycyi albo ministra zamiežnych spraŭ.
