Adna ź niečakanaściaŭ vybaraŭ-2019 — abrańnie deputatam u Oršy Vitala Vasiukova.
Vital Vasiukoŭ
Jon bolš za 10 hadoŭ adpracavaŭ dyrektaram filijała «Biełarusbanka», nie prahnuŭ vialikaj palityki, ale ŭsio ž vyłučyŭsia kandydatam u deputaty.
Pryčym nie staŭ źbirać podpisy miascovych žycharoŭ, jak astatnija budučyja pieramožcy vybaraŭ, a adpraviŭ zajaŭku ad pracoŭnaha kalektyva, pryčym navat nie svajho. Takich kandydataŭ-spojleraŭ pa ŭsioj Biełarusi było niekalki dziasiatkaŭ.
Raskład u hulni źmianiŭsia paśla taho, jak pa Oršy papaŭźli čutki pra prablemy sa zdaroŭjem u deputata Vitala Čudoviča. U subotu čytačy «NN» paviedamili ŭ redakcyju, što ŭ jaho zdaryŭsia insult.
Žurnalisty «NN» nie zmahli źviazacca z Čudovičam, jaho pamočnica nie zmahła ŭciamna patłumačyć, doma ci ŭ balnicy znachodzicca jaje načalnik.
Adnak u niadzielu Čudovič pierazvaniŭ sam. Zapeŭniŭ, što prablem sa zdaroŭjem ŭ jaho niama. «Ja zaraz jedu za styrnom. Kali b u mianie byŭ insult, ja moh by jechać? Prabačcie, prajazdžaju skryžavańnie, kładu trubku», — patłumačyŭ jon.
Ale jak akazałasia, Čudovič prajechaŭ nie tolki mima skryžavańnia, ale i mima pieraabrańnia.
