Sajuznyja adnosiny Rasii i Biełarusi ŭ najbližejšy čas pavinny vyjści na jakasna novy ŭzrovień, zajaviŭ ministr zamiežnych spraŭ Uładzimir Makiej, piša RIA Naviny.
«U najbližejšy čas sajuznyja adnosiny pamiž krainami pavinny vyjści na jakasna novy ŭzrovień. Jak my viedajem, pa daručeńni kiraŭnikoŭ dziaržaŭ Biełarusi i Rasii ŭrady dźviuch krain viaduć intensiŭnuju pracu pa padrychtoŭcy ŭzhodnienych prapanoŭ, nakiravanych na pahłybleńnie sajuznaj intehracyi. Mienavita hetych pytańniach budzie pryśviečana zapłanavanaje na zaŭtra pasiadžeńnie savieta ministraŭ Sajuznaj dziaržavy», — zajaviŭ Makiej padčas sumiesnaj pres-kanfierencyi z kiraŭnikom MZS Rasii Siarhiejem Łaŭrovym.
Jon dadaŭ, što padrychtavanyja intehracyjnyja dakumienty datyčacca istotnaha ŭzmacnieńnia ekanamičnaha ŭzajemadziejańnia.
