Minsk-naviny
U «Minsktransie» prapracoŭvajuć mahčymaść uviadzieńnia karotkaterminovych kvitkoŭ dla apłaty prajezdu ŭ haradskim hramadskim transparcie na 30 i 60 chvilin, paviedamili «Minsk-Navinam» na pradpryjemstvie.
Tam adznačyli, što takija prajaznyja daduć mahčymaść nieabmiežavanaj kolkaści pierasadak na luby vid naziemnaha transpartu na praciahu apłačanaha času. Praŭda, košt kvitkoŭ pakul nie praličvaŭsia, ničoha nieviadoma na hety momant i pra terminy novaŭviadzieńni.
Pry najaŭnaści techničnaj mahčymaści karotkaterminovyja prajaznyja buduć zapisvacca na karty BSK. U advarotnym vypadku heta buduć kvitki na papiarovym nośbicie.
Razam z tym na pradpryjemstvie padkreślili, što ŭviadzieńnie prajaznoha dakumienta na paŭtary hadziny z mahčymaściu nieabmiežavanaha kolkaści pierasadak, pra jaki paviedamili niekatoryja ŚMI, nie płanujecca.
