Na druhim mižnarodnym Minskim transpartnym forumie, jaki pravodzić kampanija Visa, prahučaŭ zajmalny fakt.
Minskaje mietro. Fota Nadziei Bužan
Minski mietrapaliten staŭ trecim u śviecie, jaki adrazu na ŭsich stancyjach uvioŭ sistemu apłaty prajezdu z dapamohaj bieskantaktavych bankaŭskich kart i roznych mabilnych pryład, jakija padtrymlivajuć bankaŭskija apłatnyja sistemy. Da hetaha padobnaj technałahičnaściu adroźnivalisia tolki mietro Łondana i Vankuviera.
Z momantu zapusku bieskantaktu ŭ Minskim mietrapalitenie novaj sistemaj apłaty skarystalisia ŭładalniki bankaŭskich kart 208 bankaŭ śvietu z 83 krain.
Bieskantaktavy sposab apłaty prajezdu ŭ Minskim mietrapalitenie z dapamohaj bankaŭskich rašeńniaŭ siońnia składaje 7,3 pracenta ad ahulnaj kolkaści apłačanych pajezdak. I hetaja ličba pastajanna raście. Za kastryčnik 2019 hodu takim sposabam apłaty ŭ padziemcy skarystalisia amal 2 miljony čałaviek.
U toj ža čas kolkaść pasažyraŭ, jakija apłacili prajezd žetonami, źniziłasia na 5 pracentaŭ, a prajaznymi — na 2,3 pracenta.
