president.gov.by
«Moža być intuityŭna, moža, idučy ad žyćcia, ale my dakładna vyznačyli svaju źniešniuju palityku. Z susiedziami treba žyć u družbie. Ich nie vybirajuć — jany ad Hospada», — zajaviŭ siońnia Łukašenka deputatam, paviedamlaje jaho pres-słužba.
«Nie rezać pa-žyvomu našy suviazi z tradycyjnymi blizkimi sajuźnikami, jakimi źjaŭlajucca respubliki byłoha SSSR», — skazaŭ kiraŭnik dziaržavy.
Jon adznačyŭ, što nieabchodna pracavać z technałahična raźvitymi dziaržavami. «Tamu my supracoŭničajem ź Jeŭropaj, a nie tamu, što my chočam paviarnucca peŭnaj kropkaj abo miescam da svajho brata — rasijanina. Jany ŭsie tudy lezuć. Jak niadaŭna skazaŭ Siarhiej Łaŭroŭ (ministr zamiežnych spraŭ Rasii)», my i sami ź Jeŭropaj starajemsia ŭstanavić siabroŭskija adnosiny». Tak što ad nas patrabavać, što my, žyvučy ŭ centry Jeŭropy, ustaloŭvajem hetyja adnosiny?» — zaŭvažyŭ biełaruski kiraŭnik.
Łukašenka padkreśliŭ, što Biełaruś taksama nie moža nie mieć dobrych adnosin z ZŠA. «Kali jany chočuć. Bo heta impieryja», - adznačyŭ jon.
«My nie možam mieć drennych adnosin, nam pašancavała ŭ hetym płanie, z novaj impieryjaj, jakaja adradziłasia, - KNR. Nas niama ŭ čym papraknuć, što my dzieści byli niepaśladoŭnyja, što, jak sabaka chvastom vichlali. My zaŭsiody sumlenna vykonvajem svaje abaviazki, usie svaje damoŭlenaści», — skazaŭ kiraŭnik dziaržavy.
«Kali my budziem ciarpliva, spakojna ruchacca napierad, raźvivajučy svaju ekanomiku, nam nijakija źniešnija pahrozy nie strašnyja», — upeŭnieny Alaksandr Łukašenka.
«Nie treba napružvać, što tut paśla Ukrainy my, što Rasija suprać nas pačnie vajnu, što Zachad na nas budzie nastupać. Dla taho i my jość, kab na nas nichto nie nadychodziŭ. Usio heta nikomu nie patrebnyja fejki», - reziumavaŭ biełaruski kiraŭnik.
