Prezident Ukrainy ŭpieršyniu trapiŭ na vokładku viadomaha časopisa Time. Anansavany vypusk drukavanaj viersii mižnarodnaha vydańnia z Uładzimiram Zialenskim, piša tut.by.
Na vokładcy z partretam prezidenta napisana: «Čałaviek pasiaredzinie. Ukrainski prezident Uładzimir Zialenski pra toje, jak być pamiž Pucinym i Trampam».
Fota: facebook.com/time
«Za amal paŭhoda, jak jon zajmaje pasadu prezidenta Ukrainy, Uładzimir Zialenski navučyŭsia strymlivać svaje čakańni. Jon nie čakaje, što jaho pieršy raŭnd mirnych pieramovaŭ z Rasiejaj, jakija pavinny adbycca ŭ Paryžy 9 śniežnia, skončać vajnu, jakaja praciahvajecca ŭzdoŭž ich miažy apošnija piać hadoŭ», — piša aŭtar intervju ź Zialenskim Sajman Šuster u Instagram.
U artykule Zialenski vykazaŭsia pra skandał z prezidentam ZŠA i ich razmovie, ab pieramovach z prezidentam Rasii i situacyi na Danbasie.
Pavodle słovaŭ aŭtara, prezident Ukrainy za apošnija 8 miesiacaŭ, jakija jon nie bačyŭ Zialenskaha, pastareŭ i źmianiŭsia značna bolš, čym možna było čakać.
U ZŠA na vokładcy časopisa budzie Tramp.
