Premjer-ministr Biełarusi Siarhiej Rumas u piatnicu ŭ Sočy praviadzie pieramovy sa staršynioj urada Rasii Dźmitryjem Miadźviedzievym, piša tass.ru.
Padčas sustrečy, jak čakajecca, buduć abmiarkoŭvacca aktualnyja pytańni biełaruska-rasijskaha supracoŭnictva i intehracyjnaha ŭzajemadziejańnia ŭ ramkach sajuznaj dziaržavy. Ab hetaj sustrečy Miadźviedzieŭ i Rumas damovilisia padčas telefonnaj razmovy 1 śniežnia.
Pieramovy dvuch premjeraŭ adbuducca napiaredadni sustrečy Alaksandra Łukašenki i Uładzimira Pucina, jakaja taksama budzie pryśviečana prablemnym pytańniam intehracyi.
Papiaredniaja sustreča dvuch premjeraŭ prajšła 19 listapada i doŭžyłasia bolš za siem z pałovaj hadzin.
Asnoŭnyja supiarečnaści bakoŭ u pieramovach tyčacca pytańniaŭ cany na rasijski haz dla Biełarusi ŭ 2020 hodzie i kampiensacyi Minsku strat u vyniku padatkovaha manieŭru ŭ naftavaj śfiery RF.
Napiaredadni Miadźviedzieŭ zajaviŭ, što Biełarusi nie treba bajacca skaračeńnia suvierenitetu: «Lubaja intehracyja, nahadaju prostuju jurydyčnuju iścinu, — heta častkovaje skaračeńnie suvierenitetu», — skazaŭ rasijski premjer.
