U horadzie Prešavie na paŭnočnym uschodzie Słavakii ŭ 12-paviarchovym domie adbyŭsia vybuch hazu z nastupnym uzharańniem. Isnuje pahroza abvału budynka, paviedamlaje češskaje vydańnie Irozhlas.

«Radyjo Słavakija» paviedamlaje pra 5 zahinułych i 40 paranienych.

Incydent zdaryŭsia siońnia kala 12.15 pa miascovym časie. Vybuch adbyŭsia pamiž 9-m i 12-m pavierchami doma. Žychary nižnich pavierchaŭ zmahli pakinuć budynak, adnak niekalki čałaviek apynulisia ŭ pastcy ŭ kvaterach nad miescam vybuchu. Budynak znachodzicca pad pahrozaj razbureńnia.

Pa słovach vidavočcaŭ, vybuch byŭ takoj siły, što ŭ susiednich damach pavylatali šyby.

Słavackaja palicyja paviedamiła, što, pa mienšaj miery, adzin čałaviek zahinuŭ, upaŭšy z bałkona. Kolkaść paranienych nie nazyvajecca. Palicyjanty paprasili minakoŭ nie nabližacca da doma, pakolki mohuć adbycca paŭtornyja vybuchi. Na miescy pracujuć pažarnyja.

U horadzie abvieščana nadzvyčajnaje stanovišča.

Pavodle miascovych ŚMI, pryčynaj vybuchu mahła stać niaspraŭnaść kacielnaj doma.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?