Stvoranyja farmiravańni rasijskaj armii vałodajuć značnym patencyjałam dla praviadzieńnia apieracyjaŭ u miežach mažlivaj hibrydnaj vajny va Uschodniaj Biełarusi, kali siły i srodki dla prymušeńnia našaj krainy da intehracyi buduć vyčarpanyja. Biezumoŭna, heta — faktar naŭprostavaha vajenna-palityčnaha cisku na kiraŭnictva Biełarusi.
Napramki patencyjnych udaraŭ farmiravańniaŭ 144-j hvardziejskaj motastrałkovaj dyvizii Uzbrojenych siłaŭ RF
Paśla pačatku rasijskaj vajennaj ahresii suprać Ukrainy Uzbrojenyja siły Rasii stali farmiravać novyja vajskovyja złučeńni dla naroščvańnia ŭdarnaha patencyjału i stvareńnia adzinaj nastupalnaj linii. Niepasredna la miažy z našaj krainaj z 2016 hoda pačali farmiravacca novyja rasijskija ŭdarnyja padraździaleńni, punkty dysłakacyi jakich — z ulikam miascovaści, infrastruktury i najaŭnych transpartnych šlachoŭ spałučeńnia — śviedčać pra absalutnuju pryjarytetnaść biełaruskaha stratehičnaha napramku.
Z 2018 hoda ŭ miescach bazavańnia hetych padraździaleńniaŭ pačałosia istotnaje nazapašvańnie ŭzbrajeńniaŭ i vajskovaj techniki, jakoje na hety momant źjaŭlajecca adkrytaj pahrozaj dla Biełarusi.
U krasaviku 2016 hoda vałanciory mižnarodnaj vyviedvalnaj supolnaści InformNapalm pieršymi vyjavili i raskryli płany Uzbrojenych siłaŭ (US) RF pa pierakidvańni padraździaleńniaŭ 28-j asobnaj motastrałkovaj bryhady (AMSBr) ź Jekaciarynburha da miažy ź Biełaruśsiu i Ukrainaj. Charakterna, što ŭ traŭni taho ž hoda ministr abarony RF Siarhiej Šojhu zajaviŭ: «Novyja dyvizii buduć stvoranyja dla supraćdziejańnia naroščvańniu siłaŭ NATO la rasijskich miežaŭ». Adnak Biełaruś nie źjaŭlajecca čalcom Paŭnočnaatłantyčnaha aljansu i aficyjna nikoli nie zajaŭlała pra namiery ŭvajści ŭ jaho. Bolš za toje, mienavita z Rasijaj jana ŭvachodzić va ŭsie mažlivyja vajennyja chaŭrusy.
Padobnyja zajavy razam z pašyranymi rasijskimi ŚMI paviedamleńniami pra stvareńnie «zvyšmahutnaha braniavanaha kułaku» la biełaruskaj miažy nie vytrymlivajuć anijakaj krytyki i sprabujuć nasamreč schavać asnoŭnyja mety i zadačy razhortvańnia novych vajskovych abjektaŭ la miažy ź Biełaruśsiu, jakija mohuć stać płacdarmam u vypadku dalejšaj eskałacyi ahresiŭnych dziejańniaŭ z boku Rasii.
U traŭni 2016 hoda ŭ pamiežnyja ź Biełaruśsiu i Ukrainaj rajony — u Jelniu Smalenskaj vobłaści i Klincy Branskaj vobłaści — ź Jekaciarynburha byli pierakinutyja pieršyja padraździaleńni 28-j AMSBr Centralnaj vajskovaj akruhi US RF. Na ich bazie pačałosia razhortvańnie 144-j hvardziejskaj motastrałkovaj dyvizii (v/č 61423, numar pierajšoŭ ad 28-j AMSBr), jakaja, pavodle arhanizacyjna-štatnaj struktury, uvajšła ŭ pierafarmiravanuju 20-ju ahulnavajskovuju armiju Zachodniaj vajskovaj akruhi.
Ešałon z dyvizijonam samachodnych 152-mm haŭbicaŭ «Msta-S» (2S19) prybyvaje da miažy ź Biełaruśsiu i Ukrainaj
Na hety momant u składzie 144-j MSD majucca nastupnyja farmiravańni i padraździaleńni: 488-y motastrałkovy połk (MSp), 254-y MSp, 59-y tankavy połk, 856-y samachodny artyleryjski rakietny połk, 1259-y zienitny rakietny połk, asobnyja zienitna-rakietny i procitankavy dyvizijony, 5 asobnych bataljonaŭ i 3 asobnyja roty. Zapłanavana razhortvańnie jašče adnaho motastrałkovaha pałka i daŭkamplektavańnie 59-ha Tp i 254-ha MSp.
Horad Klincy, što znachodzicca ŭ zonie z padvyšanym uzroŭniem radyjacyi praz avaryju na ČAES i ŭsiaho za 34 kiłamietry ad miažy z Mahiloŭskaj vobłaściu Biełarusi, i za 42 kiłamietry ad Čarnihaŭskaj vobłaści Ukrainy, staŭ punktam stałaj dysłakacyi adrazu dvuch rasijskich motastrałkovych pałkoŭ.
Pieršym klincoŭskim farmiravańniem staŭ nanoŭ stvorany 488-y motastrałkovy Simfieropalski Čyrvonaznamionny, ordena Suvorava druhoj stupieni połk imia S. Ardžanikidze (v/č 12721). Z 2019 hoda im kamanduje pałkoŭnik Uładzimir Mikałajevič Karała.
Kamandzir 488-ha MSp pałkoŭnik Uładzimir Karała. Fota klintsy.info
Z traŭnia 2016 hoda pieradysłakavanyja ŭralskija padraździaleńni 28-j AMSBr znachodzilisia ŭ miascovaści na paŭnočnym zachadzie Klincoŭ niepadalok n.p. Fiłataŭ Chutar, dzie byli stvoranyja palavyja łahier i park uzbrajeńnia i vajskovaj techniki (UVT).
Palavy łahier (unizie źleva) i palavy park UVT 488-ha MSp, červień 2016 h. Fota TerraServer, DigitalGlobe
Naprykancy 2016-ha i pačatku 2017 hoda asabovy skład byŭ pieradysłakavany na terytoryju adnoŭlenaha vajskovaha miastečka №2 (kaardynaty miesca dysłakacyi: 52°44'49.4''N 32°15'02.3''E). U vyniku vyviedki adkrytych krynicaŭ infarmacyi vyznačana, što žaŭnieraŭ raźmiaścili ŭ dvuch rekanstrujavanych trochpaviarchovych internatach ahulnaha typu, raźličanych na 300 vajskoŭcaŭ kožny, i ŭ troch zbudavanych dvuchpaviarchovych internatach błočna-modulnaha typu na 200 vajskoŭcaŭ kožny. To-bok, u hetych kazarmach na terytoryi vajskovaha miastečka mohuć być raskvataravanyja da 1200 žaŭnieraŭ.
Terytoryja adnoŭlenaha vajskovaha miastečka №2 ź miescam dysłakacyi asabovaha składu 488-ha MSp US RF. Fota Google Earth
Na hetaj terytoryi, zhodna z zaćvierdžanym hienieralnym płanam, pavinny byli zbudavać jašče dźvie błočna-modulnyja kazarmy i rekanstrujavać adzin budynak dla raźmiaščeńnia da 700 vajskoŭcaŭ. Taksama płanavałasia pabudavać nie mienš za 14 schoviščaŭ uzbrajeńnia i vajskovaj techniki, raźličanych ahułam na 470 mašynamiescaŭ. Adnak stanam na kastryčnik 2019 hoda sa značnych abjektaŭ hetaha prajektu realizavanaja tolki rekanstrukcyja i pabudova piaci internataŭ, zbudavanaja vialikaja stałoŭka na 1000 čałaviek, ździejśnienaja rekanstrukcyja štabu pałka i adnoŭleny šychtavy płac.
Vajskoŭcy 488-ha MSp na šychtavym płacy vajskovaha miastečka №2 u h. Klincy
Z kanca 2016 i pačatku 2017 hoda ŭzbrajeńnie i vajskovuju techniku z parku UVT niepadalok n.p. Fiłataŭ Chutar pačali pierasoŭvać u siało Zajmišča — administracyjnuju častku Klincoŭ, jakaja znachodzicca na poŭdni hetaha horada. Tut u pramiežku z kanca červienia pa vierasień 2016 hoda pačali razbudoŭvać palavy park uzbrajeńnia, vajskovaj i śpiecyjalnaj techniki (za 41 kiłamietr ad miažy ź Biełaruśsiu; kaardynaty miesca dysłakacyi: 52°43'02.2''N 32°16'18.0''E).
Palavy park UVST 488-ha MSp, h. Klincy, s. Zajmišča
Palavy park UVST 488-ha MSp, h. Klincy, s. Zajmišča
Palavy park u Zajmiščy arhanizavany pavodle bataljonnaha pryncypu. Jaho arhanizacyja i abstalavańnie zabiaśpiečvajuć pieradusim mažlivaść chutkaha vyviadzieńnia vajskovaj techniki pa bajavoj tryvozie. Pry hetym achoŭnyja ŭłaścivaści miascovaści praktyčna nie vykarystoŭvajucca, na nizkim uzroŭni znachodzicca arhanizacyja maskavańnia i schronu vajskovaj techniki.
Było. Fota Google Earth
Stała. Fota Google Earth
Z analizu spadarožnikavych zdymkaŭ vynikaje, što 488-y MSp składajecca z troch motastrałkovych i adnaho tankavaha bataljonu, adnaho haŭbičnaha i adnaho rakietna-artyleryjskaha dyvizijonu.
UVT 488-ha MSp, kastryčnik 2019 h. Fota TerraServer, DigitalGlobe
Pavodle najaŭnaści śpiecyjalnaj vajskovaj techniki połk maje asobnyja roty (inžynierna-sapiornaja, ramontnaja, suviazi, materyjalnaha zabieśpiačeńnia). Na spadarožnikavym zdymku zafiksavanyja nastupnyja ŭzbrajeńnie i vajskovaja technika 488-ha MSp: da 30 tankaŭ T-72, amal 90 BMP-2, inšyja bajavyja braniavanyja mašyny (BBM), dziasiatki raznastajnych braniavanych mašynaŭ zabieśpiačeńnia, niekalki dziasiatkaŭ sistemaŭ artyleryi, u tym liku 12 adzinak buksavanych 152-mm haŭbicaŭ 2A65 «Msta-B», niekalki adzinak BM-21 «Hrad». Taksama vyjaŭlenyja ruchomyja srodki techničnaha absłuhoŭvańnia braniatankavaha ŭzbrajeńnia i techniki ŭ palavych umovach.
Palavy park USVT i zbudavanaje ŭ 2018 h. vajskovaje miastečka US RF, kastryčnik 2019 h. Fota TerraServer, DigitalGlobe
Charakterna, što kali ahulnaja płošča vajskovaj bazy ŭ Zajmiščy jašče ŭ traŭni 2018 hoda składała 25 hiektaraŭ, to ŭžo stanam na kastryčnik 2019 hoda baza zajmała bolš za 60 hiektaraŭ ziamli, to-bok, pavialičyłasia bolš čym udvaja. Mierkavana, terytoryja hetaha vajskovaha abjekta budzie i dalej pašyracca praz daŭkamplektavańnie i farmiravańnie novych padraździaleńniaŭ.
Spadarožnikavyja zdymki dla paraŭnańnia płoščy vajskovaj bazy h.Klincy, s. Zajmišča, levaruč — travień 2018 hoda, pravaruč — kastryčnik 2019 hoda. Fota TerraServer, DigitalGlobe
Istotnaje pavialičeńnie płoščy vajskovaha abjektu ŭ Zajmiščy adbyłosia praz razhortvańnie ŭ 2018 hodzie druhoha vajskovaha farmiravańnia 144-j MSD, jakoje z hetaha času maje tut punkt stałaj dysłakacyi (PSD). Heta 254-y hvardziejski motastrałkovy połk imia Alaksandra Matrosava (v/č 91704, PSD — h. Klincy, s. Zajmišča).
Šaŭrony 488-ha MSp i 254-ha MSp
Na siońnia jon pa kolkaści asabovaha składu i najaŭnaha ŭzbrajeńnia i vajskovaj techniki źjaŭlajecca bataljonnaj taktyčnaj hrupaj. Pavodle analizu spadarožnikavych zdymkaŭ, jana składajecca z motastrałkovaha bataljonu, uzbrojenaha da 40 adzinak BBM (mierkavana, BTR-80 i BTR-82A), i ŭzmocnienaha tankavaj rotaj (nie mienš za 8 adzinak, mierkavana, T-72BA). Aproč hetaha va ŭzbrajeńni majucca i niekalki dziasiatkaŭ srodkaŭ artyleryi, u tym liku dyvizijon buksavanych 152-mm haŭbicaŭ 2A65 «Msta-B» (zafiksavana 12 adzinak) i niekalki adzinak BM-21. Praciahvajecca ŭkamplektavańnie hetaha farmiravańnia da paŭnavartasnaha pałka.
Uletku 2018 hoda na terytoryi palavoha parku ŭ Zajmiščy pačałosia budaŭnictva kazarmaŭ dla vajskoŭcaŭ. Za niekalki miesiacaŭ, da kastryčnika 2018 hoda, byli ŭźviedzienyja 4 błočna-modulnyja zbudavańni, raźličanyja ahułam na nie mienš za 800 vajskoŭcaŭ. U ich, mierkavana, raźmieščany asabovy skład 254-ha MSp.
Vajskovyja internaty błočna-modulnaha typu i infrastruktura, h. Klincy, s. Zajmišča, kastryčnik 2019 hoda. Fota TerraServer, DigitalGlobe
Charakterna, što aktyŭnaje pierakidvańnie vajskovaj techniki i ŭzbrajeńnia da miažy ź Biełaruśsiu supadaje z pačatkam intensifikacyi zachadaŭ z boku RF da paŭnavartasnaha razhortvańnia tak zvanaha «Sojuznoho Hosudarstva». Niahledziačy na toje, što Biełaruś źjaŭlajecca adnym z asnoŭnych vajennych chaŭruśnikaŭ Rasii, ź jakoj stvoranaja adzinaja rehijanalnaja hrupoŭka vojskaŭ, adzinaja sistema supraćpavietranaj abarony, rasijskaje kamandavańnie razhortvaje ŭzdoŭž biełaruskaj miažy paŭnavartasnuju ŭdarnuju nastupalnuju liniju, jakuju ŭtvarajuć farmiravańni 144-j MSD.
Napramki patencyjnych udaraŭ farmiravańniaŭ 144-j MSD US RF
Vajskovaja baza ŭ Klincach znachodzicca ŭsiaho za 90 kiłamietrach ad Homiela, złučanaja z horadam čyhunačnym spałučeńniem i trasaj rehijanalnaha značeńnia. Na joj dysłakujucca farmiravańni, razhornutyja na padstavie padraździaleńniaŭ 28-j motastrałkovaj bryhady ź Jekaciarynburha, jakija atrymali značny bajavy dośvied padčas rasijskaj vajennaj ahresii suprać Ukrainy i Siryi. Stvoranyja farmiravańni rasijskaj armii vałodajuć značnym patencyjałam dla praviadzieńnia apieracyjaŭ u miežach mažlivaj hibrydnaj vajny va Uschodniaj Biełarusi, kali siły i srodki dla prymušeńnia našaj krainy da intehracyi buduć vyčarpanyja. Biezumoŭna, heta — faktar naŭprostavaha vajenna-palityčnaha cisku na kiraŭnictva Biełarusi.
Adsutnaść z boku Biełarusi pamiežnaha kantrolu i značnych vajskovych siłaŭ na miažy z Rasijaj u Mahiloŭskaj i Homielskaj abłaściach istotna pavialičvajuć vyznačanyja pahrozy.
Razam z tym, niahledziačy na pryjarytetnaść biełaruskaha stratehičnaha napramku dla razhortvańnia i prasoŭvańnia stvoranych farmiravańniaŭ 144-j MSD, jany mohuć być vykarystanyja i suprać Ukrainy. Realizacyja scenaru poŭnamaštabnaha ŭvarvańnia Uzbrojenych siłaŭ RF va Ukrainu praduhledžvaje i vykarystańnie terytoryi Biełarusi ŭ jakaści vajennaha płacdarmu, nastupalnyja stratehičnyja apieracyi ź jakoha mohuć pravodzić taksama siły 1-j tankavaj armii. Elemienty hetych dziejańniaŭ užo byli adpracavanyja padčas supolnych stratehičnych vučeńniaŭ «Zachad-2017».
