newgrodno.by
Troje žycharoŭ Hrodna — 30-hadovy mužčyna i dźvie 23-hadovyja siabroŭki — pili ŭ kvatery pa praśpiekcie Janki Kupały. Paśla zastolla jany vyrašyli adpravicca ŭ načny kłub na taksi, vyklikali mašynu i vyjšli čakać jaje na vulicu. Nieŭzabavie aŭtamabil źjaviŭsia ŭ dvary, adnak, jak paźniej vyśvietliłasia, heta było nie ich taksi. U sałonie znachodzilisia dźvie pasažyrki, jakija nakiroŭvalisia dadomu, a kiroŭca ž paprostu pierabłytaŭ pavarot, paviedamlaje abłasnaja milicyja.
Padpitaja kampanija nie chacieła vieryć u takoje raźvićcio padziej, chłopiec i dźvie dziaŭčyny stali nastojvać na tym, što heta ich mašyna. U vyniku adbyŭsia kanflikt: pakul mužčyna razmaŭlaŭ z kiroŭcam, dźvie dziaŭčyny stali raźbiracca z pasažyrkami.
31-hadovaja i 23-hadovaja pasažyrki sprabavali rastłumačyć, što jany sieli ŭ taksi ŭ inšym kancy horada i jeduć dadomu, ale ich apanientki admaŭlalisia vieści dyjałoh. U vyniku jany vyciahnuli dziaŭčat z sałona i stali ich źbivać. Paźniej trojca padazravanych schavałasia ŭ dvarach, a paciarpiełyja źviarnulisia pa dapamohu ŭ milicyju.
U vyniku praviedzienych apieratyŭna-vyšukovych mierapryjemstvaŭ usie troje byli zatrymanyja. Paciarpiełyja, na ščaście, surjoznych traŭmaŭ nie atrymali.
