Google upieršyniu raskryŭ, što Street View źmiaščaje 16 miljonaŭ kiłamietraŭ panaramnych vidaŭ. Dla ich zdymki padradčyki kampanii za 12 hadoŭ abjechali adlehłaść, roŭnuju 400 poŭnym kołam vakoł Ziamli, piša tjournal.ru.
Kampanija taksama ŭpieršyniu padzialiłasia dadzienymi pa Google Earth: spadarožnikavyja zdymki achapili 98% abžytych ludźmi miescaŭ na płaniecie. Pry hetym u servisie zachavana 93 miljony kvadratnych kiłamietraŭ Ziamli. U Google adznačyli, što «Karty» źjaŭlajucca adnym z samych papularnych servisaŭ kampanii — štomiesiac im karystajecca miljard čałaviek.
Prajekt Street View prapanavaŭ u 2004 hodzie suzasnavalnik Google Łary Pejdž, jaki pakinuŭ maciarynski chołdynh kampanii ŭ śniežni 2019 hoda. Jon chacieŭ stvaryć 360-hradusnuju kartu śvietu, jakaja dazvalała b špacyravać pa vulicach i darohach, a taksama alejach, harach i słavutaściach.
