sb.by
Pra heta ŭ intervju haziecie MUS «Na stražie» raspavioŭ načalnik Departamienta pa hramadzianstvie i mihracyi MUS Alaksiej Biahun, paviedamlaje BiełTA.
Departamient u hetym hodzie sumiesna z upraŭleńniami pa hramadzianstvie i mihracyi praciahvaŭ padrychtoŭku da ŭkaranieńnia bijamietryčnych technałohij u nacyjanalnyja dakumienty. «Šmat što zroblena pa ŭdaskanaleńni zakanadaŭstva i padrychtoŭcy prajekta ŭkaza ab ID-karcie i bijamietryčnych pašpartoŭ. Praciahnułasia supracoŭnictva ź Ministerstvam suviazi i infarmatyzacyi, kab ahulnymi vysiłkami zrabić identyfikacyjnuju kartu paŭnavartasnym dakumientam, jaki paćviardžaje asobu», — prainfarmavaŭ Alaksiej Biahun.
Dla ŭkaranieńnia takich dakumientaŭ spatrebiłasia bolš času, čym mierkavałasia. Raspracoŭščyku jašče nieabchodna adładzić miechanizmy, źviazanyja ź ličbavym podpisam, dostupam da dyrektoryi adkrytych klučoŭ Mižnarodnaj asacyjacyi avijapieravozčykaŭ.
'»Zapusk kampanii, jaki płanavaŭsia na 1 studzienia 2020 hoda, pieranosicca na hod, — raspavioŭ Alaksiej Biahun. — Za hety čas zavieršym padrychtoŭku pamiaškańniaŭ u terytaryjalnych padraździaleńniach, pastavim tam najnoŭšyja aparatna-prahramnyja kompleksy, pratestujem ich i navučym supracoŭnikaŭ. Tak adładzim pracu pa zbory, napramku, piersanalizacyi i vydačy dakumientaŭ novaha ŭzoru».
Jak paviedamlałasia, ID-karta zamienić niekatoryja funkcyi siońniašniaha pašparta i budzie adzinym dakumientam, jaki paćviardžaje asobu. Novy bijamietryčny pašpart budzie dakumientam tolki dla vyjezdu za miažu.
Taksama novymi bijamietryčnymi dakumientami budzie zamieniena ŭsia liniejka dakumientaŭ, jakija dziejničajuć u Biełarusi. Heta słužbovy i dypłamatyčny pašparty, prajazny dakumient biežanca i prajazny dakumient asoby biez hramadzianstva. ID-karty buduć vydavacca, akramia hramadzian Biełarusi, jakija pastajanna pražyvajuć u krainie zamiežnikam i asobam biez hramadzianstva.
Pašpart i ID-karta buduć vydavacca ŭ abaviazkovym paradku z 14 hadoŭ.
Ale karta moža vydavacca i pa žadańni zakonnych pradstaŭnikoŭ niepaŭnaletniaha dziciaci z momantu jaho naradžeńnia. Taksama ŭ ID-karcie budzie pryviazka da rehistracyi, u pašparcie ž jana budzie adsutničać. Heta značyć štampaŭ ab prapiscy ŭ pašpartach bolš nie budzie, u elektronnym vyhladzie takija źviestki buduć utrymlivacca na karcie.
I nijakich adznak, akramia viz, u novych pašpartach nie praduhledžana.
Košt ID-karty składzie adnu bazavuju vieličyniu. Pašpart budzie kaštavać try bazavyja.
