U maskoŭskaj kvatery i ŭ ofisach kiraŭnika «Hrupy Safmar» Michaiła Huceryjeva iduć pieratrusy. Pra heta lenta.ru paviedamiła krynica ŭ pravaachoŭnych orhanach.
Śledčyja dziejańni pravodziacca ŭ ramkach zaviedzienaj kryminalnaj spravy ab niavypłacie padatkaŭ i kradziažach.
Pieratrusy pravodziać supracoŭniki FSB sumiesna sa Śledčym kamitetam Rasii ŭ kvatery Huceryjeva ŭ rajonie Chamoŭniki i ofisach niekalkich kampanij.
Aficyjnaha paćvierdžańnia infarmacyi pra pieratrusy ŭ SKR i FSB atrymać nie ŭdałosia.
Śpiecsłužby pryjšli ŭ biznes-centr na Novasłabadskoj vulicy, dzie raźmiaščajecca kampanija «Forte Inviest», jakoj kiruje syn Huceryjeva Said, udakładniaje vydańnie Baza.
Biznesmena padazrajuć u kantrabandzie 130 tysiač ton nafty, nielehalna vyviezienych za miažu, dadaje Telegram-kanał Mash.
Pastaŭki išli ŭ Turcyju i krainy Jeŭrasajuza. Škoda aceńvajecca ŭ dva miljardy rasijskich rubloŭ (kala 32 młn dalaraŭ).
Jak rasijski biznesmien Michaił Huceryjeŭ papaŭniaje biznes biełaruskimi aktyvami
