Fota Iryny Arachoŭskaj, Biełsat
Moładzievy aktyvist Piatro Markiełaŭ, pakarany 14 sutkami administratyŭnaha aryštu za zdymki na vybarčym učastku, 23 śniežnia vyjšaŭ na volu z Centra izalacyi pravaparušalnikaŭ na Akreścina, piša Biełsat.
Sustrakać Piatra pryjšli paplečniki z «Moładzievaha błoku», hramadskija aktyvisty i pravaabaroncy.
«Samaje horšaje ŭ CIP — nie faktyčnyja ŭmovy, a staŭleńnie supracoŭnikaŭ», — skazaŭ Markiełaŭ.
Padčas minułych parłamienckich vybaraŭ Markiełaŭ byŭ naziralnikam na ŭčastku №286 99-j akruhi. Paśla taho, jak jon staŭ zdymać na videa patrabavańnie kandydata ŭ deputaty Stasa Šaška pieraličyć padadzienyja za jaho hałasy, na ŭčastak prybyŭ narad milicyi. Paśla niepraciahłaj razmovy na naziralnika nadzieli kajdanki i pavieźli ŭ adździeł milicyi. Jaho źvinavacili ŭ drobnym chulihanstvie i niepadparadkavańni milicyi.
