Małaletnija dzieci zastalisia biez nahladu i ŭčynili pažar u domie. Zdareńnie adbyłosia 22 śniežnia ŭ Indrubcy (Astraviecki rajon), paviedamlaje Rehijanalnaja hazieta.
Fota: ostrovets.by
U domie žyli haspadynia, jaje dvoje dziaciej daškolnaha ŭzrostu i jaje brat. Siamja stajała na ŭliku — znachodzicca ŭ sacyjalna niebiaśpiečnym stanoviščy, jaje nieadnarazova naviedvała naziralnaja kamisija.
U niadzielu ranicaj žančyna pajšła na pracu na fiermu, jaje brat u hety čas spaŭ.
Dzieci pračnulisia i ŭbačyli zapałki, jakija lažali na bačnym i dastupnym miescy. Jany čyrkali imi i kidali pamiž łožkam i ścianoj. Tady i zahareŭsia dom.
Dzieci spałochalisia, abudzili dziadźku. Mužčyna kinuŭsia zalivać ahoń vadoj, paviedamiŭšy pra pažar siastry, jakaja tut ža prymčałasia na dapamohu. Razam jany kala hadziny zmahalisia z połymiem i, tolki kali zrazumieli, što nie mohuć patušyć, vyklikali vyratavalnikaŭ.
U vyniku pažaru ahniom paškodžany majomaść u domie, ściana, stol.
Za hulni dziaciej z ahniom darosłyja buduć pryciahnutyja da administracyjnaj adkaznaści.
