Alaksandr Łukašenka, jak historyk, pavažaje Uładzimira Lenina za toje, što jon šmat zrabiŭ dla stanaŭleńnia dziaržavy. I Iosifa Stalina — za adnaŭleńnie Biełarusi ŭ jaje ciapierašnich miežach. Pra heta jon zajaviŭ u intervju hałoŭnamu redaktaru «Echo Moskvy» Alaksieju Vieniadziktavu, piša Tut.by.
— Stalinu treba pastavić pomnik u Biełarusi, ja jak historyk kažu, za pakt Mołatava — Rybientropa. Bo adnoŭleny byli ŭ realnych miežach, ciapierašnich miežach našaj Biełarusi.
Jon nahadaŭ pra Ryžski dahavor 1921 hoda, zhodna ź jakim Polščy dziakujučy Rasii adyšli terytoryi Zachodniaj Biełarusi i Zachodniaj Ukrainy, pry hetym adznačyŭšy, što, «mahčyma, u toj čas nie było inšaha vyjścia».
— Uładzimir Iljič Lenin, u mianie da jaho dobraje staŭleńnie, jak historyk ja heta razumieju, jon šmat čaho zrabiŭ dla stvareńnia dziaržavy toj, i karani našy tam, taksama nikudy nie dzieniešsia, matyvavaŭ heta tym, što nie było inšaha vyjścia. Ale addavać terytoryju — heta katastrofa. Ale Iosif Visaryjonavič, dziakuj jamu, adnaviŭ ciapierašnija miežy Biełarusi.
Alaksandr Łukašenka pryvioŭ u prykład słovy prezidenta Rasii Uładzimira Pucina, jaki na pres-kanfierencyi 19 śniežnia zajaviŭ ab tym, što Saviecki Sajuz apošnim padpisaŭ pahadnieńnie ab nienapadzie z-za adsutnaści inšaha vybaru.
— I toje, što Pucin pryvodziŭ fakt, što Hitleru tady ŭsie padyhryvali, dla nas heta nie navina. I što pakt Mołatava — Rybientropa byŭ apošnim u płanie «raździełaŭ-pieradziełaŭ». Ale Miunchienskaja zmova ž była raniej, kali Čechasłavakiju padzialili, i palaki sabie taksama kavałačak adarvali.
