na fota akcyja 8 śniežnia, Nadzieja Bužan
Na 30 śniežnia pryznačany šerah pracesaŭ nad aktyvistami i aktyvistkami, što pryniali ŭdzieł u mirnych akcyjach pratestu suprać «pahłyblennaj intehracyi» z Rasijaj. Usich ich vinavaciać va ŭdziele ŭ niesankcyjanavanych massavych mierapryjemstvach, jakija adbylisia 7 i 8 śniežnia, piša spring96.org.
U dačynieńni da ŭsich składzienyja pratakoły 23.34 KaAP.
U sudzie Leninskaha rajona buduć razhladacca spravy Barysa Anikiejeva, Uładzimira Arłova, Barysa Dubroŭskaha, Źmitra Kazłova (Šery kot), Viktara Kavalkova (ajciec Vikiencij), Uładzimira Niaklajeva, Hanny Šapućki.
Sud Centralnaha rajona razhledzić spravy Piotry Sadoŭskaha, Alaksieja Siudaka, Andreja Šarendy. Sud Zavodskaha rajona — Valera Rabcava.
Na minułym tydni na sutki byli asudžanyja: Pavieł Sieviaryniec, Jaŭhien Afhaniel, Maksim Viniarski, Alena Tałstaja, Stanisłaŭ Šašok, Leanid Kułakoŭ, Siarhiej Cichanoŭski, Aleś Čacholski, Maksim i Dzianis Urbanovičy. Bolšaść ź ich atrymała 15 sutak i praviadzie Novy hod i pravasłaŭnyja Kalady za kratami.
