Zdareńnie adbyłosia apoŭnačy 6 studzienia na vulicy Libava-Romienskaj. U milicyju źviarnuŭsia mužčyna, jaki raspavioŭ, što nieviadomy mužčyna sprabuje trapić u jaho dom dy pahražaje nažom, paviedamlaje staličnaja milicyja.
Na miesca zdareńnia nieadkładna vyjechali supracoŭniki patrulna-pastavoj słužby i departamienta achovy. Jany zatrymali kala nazvanaha doma 44-hadovaha mužčynu.
Vyśvietliłasia, što zatrymany — taksist. Napiaredadni ranicaj jon padvoziŭ u palikliniku inšaha mužčynu z 9-hadovym dziciem. Padčas pajezdki dzicia adčuła siabie drenna i zapeckała aŭtamabil.
Baćka raźličyŭsia z kiroŭcam, daŭšy bolš hrošaj, ale paabiacaŭ da viečara na numar mabilnaha telefona zaličyć dadatkovuju sumu, jakaja pakryje vydatki na chimčystku sałona aŭtamabila. Ale nie dačakaŭšysia hrašovaha pieravodu ad pasažyra, kiroŭca taksi ŭ niećviarozym stanie pasprabavaŭ zajści ŭ dom i zabrać hrošy, pahražajučy nažom.
Pryčym raniej jon užo byŭ sudzimy za chulihanstva.