Chuan Huajdo. Fota: Alexcocopro / wikimedia.org
U Nacyjanalnaj asamblei (adnapałatnaha parłamienta) Vieniesueły ciapier dva śpikiery ad roznych palityčnych siłaŭ. Pra heta 6 studzienia paviedamlaje Bi-bi-si.
Aficyjnaje hałasavańnie prajšło 5 studzienia ŭ budynku parłamienta. Śpikieram abrali Łuisa Paru (Luis Parra) — prychilnika prezidenta Nikałasa Madury. Para nibyta atrymaŭ 81 hołas.
Nacyjanalnaja hvardyja nie puściła ŭ zału pasiadžeńniaŭ dziejučaha śpikiera Chuana Huajdo, jaki ŭznačalvaje apazicyju, i jaho prychilnikaŭ. Pry hetym Para zajaviŭ, što siesiju adkryli biez Huajdo, bo jon nie pryjechaŭ.
Paśla hetaha Huajdo razam z apazicyjnymi deputatami pravioŭ pasiadžeńnie ŭ redakcyi haziety Nacional. Pa źviestkach apazicyi, jaje lidara paŭtorna abrali śpikieram hałasami 100 z 167 deputataŭ.
Huajdo pavinšavaŭ ź pieramohaj dziaržsakratar ZŠA Majk Pampiea. Jon zajaviŭ, što ZŠA i 57 inšych krain praciahvajuć ličyć Huajdo zakonnym časovym prezidentam Vieniesueły i asudziŭ sproby Nikałasa Madury pieraškodzić demakratyčnamu hałasavańniu.
U studzieni 2019 hoda Huajdo na fonie masavych pratestaŭ abviaściŭ siabie časovym prezidentam krainy. Jaho pryznali ZŠA, bolšaść krain Jeŭropy i niekatoryja łacinaamierykanskija dziaržavy. Nikałasa Maduru, jaki ŭznačalvaje krainu z 2013 hoda, padtrymali Rasija, Kitaj, Turcyja i inš.