U kancy kastryčnika ŭ Centralnaje RUUS źviarnuŭsia 22-hadovy minčuk. Jon raspavioŭ, što ŭ jaho vymahajuć hrošy za nieraspaŭsiud infarmacyi asabistaha charaktaru, paviedamlaje pres-słužba MUS.
Małady čałaviek u internecie paznajomiŭsia z mužčynam i paśla vysłaŭ jamu svaje fatahrafii ŭ aholenym vyhladzie. U adkaz staŭ patrabavać hrošy za nieraspaŭsiud takich fatahrafij. Dla pierakanaŭčaści jon pradstaviŭsia supracoŭnikam milicyi.
Spałochaŭšysia, pieršy minčuk pieradaŭ novamu znajomamu 300 rubloŭ. Ale historyja na hetym nie skončyłasia. Nieŭzabavie toj znoŭ zapatrabavaŭ hrošy. Małady čałaviek vypłaciŭ častku sumy, a paśla źviarnuŭsia pa dapamohu da sapraŭdnych milicyjantaŭ.
Tyja chutka ŭstanavili asobu łžesupracoŭnika — im apynuŭsia 20-hadovy maładzion, raniej sudzimy za vymahalnictva. Jon raspavioŭ, što takim čynam spadziavaŭsia padzarabić.
