19 studzienia pačynaje svaju rabotu novy razmoŭny kłub ukrainskaj movy ŭ Minsku. Zaniatki buduć adbyvacca štoniadzieli ŭ 15 hadzin pa adrasie: Minsk, vuł. Hikały, 4, Abłasnaja biblijateka imia A. Puškina, infarmacyjna-biblijahrafičny adździeł.
Kłub raźličany na ludziej, jakija vałodajuć ukrainskaj movaj na uzroŭni siaredni abo vyšej siaredniaha.
Na zaniatkach vy možacie: paznajomicca z ukrainskamoŭnymi členami kłuba, pavialičyć svoj słoŭnikavy zapas, razmaŭlajučy pa peŭnaj temie, uspomnić hramatyku i vykarystać hramatyčnyja praviły niepasredna ŭ razmovie, prajhrajć situacyjnyja zadačy z metaj zamacavańnia materyjału, być aktyŭnym udzielnikam, pracavać u kamandzie nieabyjakavych da navučańnia. U kožnaha z vas jość mahčymaść pravieści nastupnyja zaniatki razam z kiraŭnikom kłuba, hałoŭnaje — vaša žadańnie i imknieńnie ŭdaskanalić movu.
Tema pieršaha zaniatku «Styl i stylisty».
Zapisacca ŭ kłub, atrymać dadatkovuju infarmacyju možna ŭ hrupie u fejsbuku abo pa telefonie: +375 29 103 59 98, Natalla. Arhanizatary zaprašajuć usich achvotnych.
Heta ŭžo druhi razmoŭny kłub ukrainskaj movy ŭ Minsku. Pieršy pracuje štoniadzieli a 12-00 u Čyrvonym kaściole i raźličany na ludziej, jakija tolki pačynajuć vučyć ukrainskuju. Akramia hetaha, u Minsku adbyvajucca kursy ŭkrainskaj movy dla darosłych (štopiatnicy, u 18-00 i 19-30, vuł. Rumiancava, 13. Siadziba TBM) i dziaciej (štosuboty, u 12-00 u Čyrvonym kaściole).
