Dvoje žycharoŭ Mastoŭ (Hrodzienskaja vobłaść) viartalisia z zarobkaŭ z Maskvy. Pryčym źniknieńnie vialikaj sumy hrošaj i mabilnaha telefona jany zaŭvažyli tolki tady, kali vyjšli ź ciahnika. Mužčyny adrazu ž źviarnulisia pa dapamohu da supracoŭnikaŭ milicyi, paviedamlaje pres-słužba MUS
Pravaachoŭniki nieadkładna padklučylisia da pracy. Pravioŭšy šerah apieratyŭna-vyšukovych mierapryjemstvaŭ, jany ŭstanavili, što da kradziažu 83 tysiač rasijskich rubloŭ (kala 2800 biełaruskich) i mabilnaha telefona z zaradnaj pryładaj datyčny 33-hadovy žychar Rasii, jaki pryjechaŭ u stalicu ŭ tym ža ciahniku, što i paciarpiełyja.
Ranicaj, kali ciahnik užo padjazdžaŭ da staličnaha čyhunačnaha vakzała, fihurant prahulvaŭsia pa vahonie. Zaŭvažyŭšy, što dvoje mužčyn mocna śpiać, rasijanin zabraŭ u adnaho ź ich kašalok z hrašyma, a ŭ druhoha — mabilny telefon.
Pravaachoŭnikam zatrymany rastłumačyŭ, što vykradzienyja ŭ mužčyn hrošy jon patraciŭ na ihralnyja ŭstanovy. Mabilny telefon i zaradnaja pryłada ŭ jaho byli kanfiskavanyja i pieradadzienyja zakonnamu ŭładalniku.
