Prezident Rasii Uładzimir Pucin unios na razhlad Dziarždumy zakonaprajekt ab papraŭkach da Kanstytucyi.
Pavodle tekstu dakumienta, prapanujecca źmianić 22 artykuły asnoŭnaha zakona.
Pa prajekcie papravak miarkujecca, u pryvatnaści, kanstytucyjna ŭstanavić minimalny pamier apłaty pracy nie nižejšy za vieličyniu pražytačnaha minimumu, abaviazać prezidenta pryznačać zaćvierdžanyja Dziarždumaj kandydatury vice-premjeraŭ i ministraŭ i dać kiraŭniku dziaržavy paŭnamoctvy pa farmiravańni Dziaržsavieta. Taksama prapanujecca pavysić da 25 hadoŭ cenz asiełaści dla kandydataŭ na pasadu prezidenta i abmiežavać dvuma terminami znachodžańnie adnoj asoby na čale dziaržavy. Akramia hetaha, praduhledžana vyniasieńnie hetaha zakona na ahulnarasijskaj hałasavańnie.
Ahulnarasijskaje hałasavańnie pa hetym pytańni moža prajści ŭ krasaviku.
