kremlin.ru
Rasija i Biełaruś u najbližejšy čas mohuć znajści aptymalnyja rašeńni pa naftahazavych pytańniach, niahledziačy na adroźnieńni ŭ pazicyjach bakoŭ. Pra heta paviedamiŭ u čaćvier TASS pasoł Rasii ŭ Minsku Dźmitryj Mieziencaŭ.
«Niahledziačy na peŭnyja adroźnieńni ŭ padychodach bakoŭ, aptymalnyja rašeńni, jakija zadavolać partnioraŭ, pavinny być znojdzieny ŭ najbližejšy čas, što taksama paćvierdzić maštab i praktyku dvuchbakovaha ŭzajemadziejańnia pa nafcie i hazu», — adznačyŭ jon.
Mieziencaŭ padkreśliŭ, što rasijski bok uličyć zapyt Biełarusi i hatovy kampiensavać škodu, naniesienuju ŭ minułym hodzie biełaruskim naftapierapracoŭčym pradpryjemstvam u vyniku pastavak niajakasnaj syraviny.
«U adpaviednaści z zapytam i dakumientalna paćvierdžanymi stratami, paniesienymi biełaruskimi naftapierapracoŭčymi zavodami ŭ suviazi z pastaŭkami niajakasnaj nafty u 2019 hodzie, rasijski bok hatovy kampiensavać škodu. Takaja pazicyja i ŭ hetym vypadku pakazvaje prychilnaść sajuźnickim adnosinam», — adznačyŭ jon.
